వైసీపీ కార్యకర్తలపై ప్రభుత్వ యంత్రాంగం దుర్వినియోగం జరుగుతోందని ఆరోపించిన మాజీ ముఖ్యమంత్రి, వైఎస్సార్ కాంగ్రెస్ పార్టీ అధినేత వైఎస్ జగన్మోహన్ రెడ్డి… అధికారులపై మరోసారి తీవ్ర హెచ్చరిక జారీ చేశారు.
తాజాగా పార్టీ నేతలతో జరిగిన సమావేశంలో ఆయన మాట్లాడుతూ, “వైసీపీ కార్యకర్తలను లక్ష్యంగా చేసుకుని పాత కక్షలతో కేసులు పెడుతున్న అధికారుల పేర్లను గుర్తుంచుకోండి. మిమ్మల్ని ఇబ్బంది పెడుతున్న వారి వివరాలను రాసుకోండి. మేము తిరిగి అధికారంలోకి వచ్చాక వారిపై కచ్చితంగా చర్యలు తీసుకుంటాం. ఒకరినీ వదిలిపెట్టము. అవసరమైతే సినిమా చూపిస్తాం” అని తేల్చిచెప్పారు.
“జగన్ 2.0 లో మొట్టమొదటి ప్రాధాన్యం పార్టీ కార్యకర్తలకే ఉంటుంది. ఇది ఖచ్చితంగా మీకు హామీగా చెబుతున్నాను. మీరు ఎదుర్కొంటున్న ప్రతి అవమానాన్ని గమనిస్తున్నాం. సప్త సముద్రాల అవతల ఉన్నా తగిన శిక్ష విధించేందుకు మేము సిద్ధంగా ఉన్నాం” అని అన్నారు.
ఇది తమకు రాజకీయం కాదని, న్యాయం చేయాల్సిన బాధ్యతగా భావిస్తున్నామని జగన్ తెలిపారు. కార్యకర్తల నిబద్ధత, ధైర్యం, సేవలే తమ పార్టీకి ఉన్న చట్టబద్ధ బలం అని అన్నారు. ప్రభుత్వం మారితే, వ్యవస్థ మారుతుంది అని కాకుండా, ప్రజలకే వ్యవస్థ పనిచేసేలా చేయడం తమ లక్ష్యమని స్పష్టం చేశారు.
ఈ వ్యాఖ్యలతో జగన్ తిరిగి అధికారంలోకి రావాలనే లక్ష్యంతో కార్యకర్తలకు ధైర్యం నూరిపోస్తూ, అధికార వ్యవస్థపై ఒత్తిడిని పెంచే ప్రయత్నం చేసినట్లు రాజకీయ పరిశీలకులు విశ్లేషిస్తున్నారు.
Read More : AP – శ్రీసిటీలో ఎల్జీ మ్యానుఫ్యాక్చరింగ్ యూనిట్.
One thought on “జగన్ : ‘వైసీపీ కార్యకర్తల హక్కులు కాపాడతాం’”
Comments are closed.