ఆంధ్రప్రదేశ్ ఇంటర్మీడియట్ ఫలితాలు శనివారం ఉదయం విడుదలైన వెంటనే రాష్ట్రవ్యాప్తంగా మిశ్రమ స్పందనలు వెల్లివిరిచాయి. ఈ నేపథ్యంలో విశాఖ జిల్లా తగరపువలస గ్రామానికి చెందిన కొండపేటకు చెందిన జి.చరణ్ అనే విద్యార్థి, తన మార్కులు చూసి పరీక్షల్లో అనుకున్న స్థాయిలో రాణించలేదన్న మనస్తాపంతో తీవ్ర ఆవేదనకు గురయ్యాడు.
తల్లిదండ్రులు ధైర్యం చెప్పినప్పటికీ, చరణ్ మానసికంగా తీవ్రంగా కుంగిపోయి ఇంట్లో ఎవరూ లేని సమయంలో గదిలో ఫ్యాన్కు ఉరేసుకున్నాడు. గమనించిన కుటుంబ సభ్యులు వెంటనే సమీపంలోని ప్రైవేట్ ఆస్పత్రికి తరలించినప్పటికీ వైద్యులు అప్పటికే మృతి చెందినట్లు ధృవీకరించారు. ఈ ఘటన గ్రామంలో తీవ్ర విషాదాన్ని నెలకొల్పింది.
ఇదిలా ఉండగా, కర్నూలు జిల్లా బండి ఆత్మకూరు మండలం ఏ.కోడూరు గ్రామంలోనూ ఇదే తరహాలో విషాదం చోటుచేసుకుంది. నంద్యాలలోని ఓ ప్రైవేట్ కళాశాలలో ఇంటర్ మొదటి సంవత్సరం చదువుతున్న వెంకట సుదీశ్వరరెడ్డి అనే యువకుడు, ఫలితాల పట్ల భయాందోళనతో శుక్రవారం ఆత్మహత్యకు పాల్పడ్డాడు. కొన్ని రోజులుగా పరీక్షలు సరిగా రాయలేకపోయిన అనుభూతి, ఫెయిల్ అవుతాననే ఆందోళన కారణంగా కఠిన నిర్ణయం తీసుకున్నట్లు కుటుంబ సభ్యులు తెలిపారు.
Read More : విజయవాడలో బ్లేడ్ బ్యాచ్ హింస
One thought on “విశాఖ జిల్లాలో ఇంటర్ ఫలితాల నేపథ్యంలో విషాదం — పరీక్షల్లో ఫెయిల్ అయిన విద్యార్థి ఆత్మహత్య”
Comments are closed.