సినిమాల్లో రొమాంటిక్ సీన్స్కు డిమాండ్ ఎప్పుడూ ఉంటుంది. ప్రస్తుత ట్రెండ్లో ఏ జోనర్ సినిమా అయినా సరే, ఓ రొమాంటిక్ సీన్ మాత్రం తప్పనిసరిగా కనిపిస్తోంది. పాత్ర అవసరమైతే హీరోయిన్స్ కూడా వెనకాడకుండా ఎలాంటి సన్నివేశాల్లో అయినా నటించేందుకు సిద్ధపడుతున్నారు. ఇటీవల చాలా మంది నటీమణులు ఈ అంశంపై తమ అభిప్రాయాలను కూడా పంచుకున్నారు. తాజాగా బాలీవుడ్ గ్లామర్ డాల్ అమీషా పటేల్ చేసిన ఓ వ్యాఖ్య ప్రస్తుతం నెట్టింట్లో హాట్ టాపిక్గా మారింది.
తెలుగు ప్రేక్షకులకు కూడా సుపరిచితురాలైన అమీషా పటేల్, మహేష్ బాబు, పవన్ కల్యాణ్, ఎన్టీఆర్లతో నటించి మెప్పించింది. తాజాగా ఓ ఇంటర్వ్యూలో మాట్లాడుతూ, వయస్సులో తనకంటే పెద్ద హీరోలతో రొమాన్స్ చేయడం తనకు ఇష్టం అని బహిరంగంగా తెలిపింది. “గదర్ 2” చిత్రంలో తనతో కలిసి నటించిన సన్నీ డియోల్ తన కన్నా 20 ఏళ్లు పెద్దవారని, కానీ తమ కెమిస్ట్రీ ప్రేక్షకులను ఆకట్టుకుందని చెప్పింది. అలాగే ఇటీవల విడుదలైన “సికిందర్” చిత్రంలో సల్మాన్ ఖాన్-రష్మిక జంట కూడా బాగుందని అభిప్రాయపడింది.
అమీషా వ్యాఖ్యలు నెటిజన్లను రెండుగా చీల్చేశాయి. కొందరు ఆమె ధైర్యాన్ని మెచ్చుకుంటే, మరికొందరు ఆమె వ్యాఖ్యలు వివాదాస్పదంగా మారిపోయాయని భావిస్తున్నారు. అయినప్పటికీ, పాత్ర డిమాండ్ చేస్తే ఏదైనా చేయగలమన్న ఆమె అభిప్రాయం సినీ పరిశ్రమలో నటీమణులకు మరింత స్పేస్ కల్పించనుంది అన్నదానిలో సందేహం లేదు.
One thought on “పెద్దవారితో రొమాన్స్ బాగుంటుంది: అమీషా పటేల్ సంచలన వ్యాఖ్యలు!”
Comments are closed.