అహ్మదాబాద్లో ఇటీవల జరిగిన ఘోర విమాన ప్రమాదం ఆంధ్రప్రదేశ్ ముఖ్యమంత్రి చంద్రబాబు నాయుడు కార్యక్రమాలపై ప్రభావం చూపింది. ఈ దుర్ఘటన నేపథ్యంలో ఆయన ఈరోజు జరగాల్సిన విశాఖపట్నం పర్యటనను రద్దు చేసుకున్నారు.
ప్రధానంగా, విశాఖలో నిర్వహించాల్సిన ‘న్యూ అండ్ రెన్యూవబుల్ ఎనర్జీ రీజనల్ వర్క్షాప్’లో సీఎం చంద్రబాబు పాల్గొనాల్సి ఉంది. అయితే, అహ్మదాబాద్లో చోటు చేసుకున్న ప్రమాదాన్ని దృష్టిలో ఉంచుకుని ఈ కార్యక్రమాన్ని రద్దు చేస్తున్నట్లు సీఎం కార్యాలయం తెలిపింది. అదనంగా, కూటమి ప్రభుత్వం ‘సుపరిపాలనలో తొలి అడుగు’ పేరుతో చేపట్టిన కార్యక్రమాన్ని కూడా తాత్కాలికంగా నిలిపివేశారు.
ఈ ఘటనపై స్పందించిన ముఖ్యమంత్రి చంద్రబాబు నాయుడు, అహ్మదాబాద్ విమాన ప్రమాదంలో ప్రాణాలు కోల్పోయిన వారికి గాఢ సంతాపం తెలిపారు. మృతుల కుటుంబాలకు తన ప్రగాఢ సానుభూతిని వ్యక్తం చేశారు.
read More : కర్ణాటకలో ఏపీఎస్ఆర్టీసీ బస్సు ప్రమాదం
