అహ్మదాబాద్లో గురువారం జరిగిన ఘోర విమాన ప్రమాదం దేశాన్ని కలచివేసింది. ఎయిర్ ఇండియాకు చెందిన ఏఐ171 బోయింగ్ 787-8 డ్రీమ్లైనర్ విమానం టేకాఫ్ అయిన కొద్దిసేపటికే అదుపుతప్పి సమీప నివాస భవనాలపై కూలిపోయింది. ఈ విషాద ఘటనలో విమానంలో ఉన్న 242 మందిలో 241 మంది ప్రయాణికులు, కింద ఉన్న ఐదుగురు స్థానికులు మరణించారు. ఈ ప్రమాదంలో కేవలం ఒక ప్రయాణికుడు మాత్రమే ప్రాణాలతో బయటపడినట్టు అధికారులు తెలిపారు.
సర్దార్ వల్లభ్భాయ్ పటేల్ అంతర్జాతీయ విమానాశ్రయం నుంచి లండన్ గాట్విక్ విమానాశ్రయానికి బయలుదేరిన ఈ విమానంలో మొత్తం 242 మంది ప్రయాణికులు, సిబ్బంది ఉన్నారు. విమానం కూలిన వెంటనే పెద్దఎత్తున మంటలు ఎగసిపడడంతో పొగతో ప్రాంతమంతా కమ్ముకుంది. సమాచారం అందుకున్న అగ్నిమాపక సిబ్బంది, అత్యవసర సహాయక బృందాలు ఘటనా స్థలానికి చేరుకుని మంటలను అదుపు చేసి సహాయక చర్యలు చేపట్టాయి.
ఈ ఘోర ప్రమాదంలో 169 మంది భారతీయులు, 53 మంది బ్రిటన్ పౌరులు, 7 మంది పోర్చుగీస్, 1 కెనడియన్ ప్రాణాలు కోల్పోయారు. ప్రమాదానికి కారణాలపై ఇప్పటికే దర్యాప్తు ప్రారంభమయ్యింది.
ఈ విషాదంపై అమెరికా అధ్యక్షుడు డొనాల్డ్ ట్రంప్ స్పందించారు. “భారత్ బలమైన దేశం, ఈ క్లిష్ట సమయంలో అమెరికా పూర్తి సహాయం అందించడానికి సిద్ధంగా ఉంది” అని ఆయన ప్రకటించారు. ట్రంప్ వ్యాఖ్యలు భారత్-అమెరికా మధ్య ఉన్న బలమైన ద్వైపాక్షిక సంబంధాలను ప్రతిబింబిస్తున్నాయని విశ్లేషకులు పేర్కొంటున్నారు.
ప్రమాద సమాచారం వెలువడిన వెంటనే ప్రపంచ నాయకులు భారత్కు సానుభూతి తెలిపారు. ప్రధాని నరేంద్ర మోదీ ప్రమాదంపై తీవ్ర దిగ్భ్రాంతి వ్యక్తం చేశారు.
Read More : అహ్మదాబాద్ విమాన ప్రమాదం: PM
