తెలంగాణ రాజకీయాల్లో మరో కీలక పరిణామం చోటుచేసుకుంది. అచ్చంపేట మాజీ ఎమ్మెల్యే గువ్వల బాలరాజు బీఆర్ఎస్ పార్టీకి రాజీనామా చేసిన సంగతి తెలిసిందే. బీఆర్ఎస్లో తనకు తగిన గౌరవం దక్కలేదని ఆయన బహిరంగంగా విమర్శించారు. ఈ నేపధ్యంలో ఆయన ఏ పార్టీలో చేరుతారన్న చర్చకు ముగింపు లభించింది.
బీజేపీ తెలంగాణ అధ్యక్షుడు రాంచందర్ రావుతో గువ్వల బాలరాజు ఈరోజు భేటీ అయ్యారు. దాదాపు అరగంట పాటు కొనసాగిన ఈ సమావేశంలో, గువ్వల బాలరాజు బీజేపీలో చేరుతున్నట్లు రాంచందర్ రావు అధికారికంగా ప్రకటించారు. ఈ నెల 11న (సోమవారం) హైదరాబాద్లోని బీజేపీ రాష్ట్ర ప్రధాన కార్యాలయంలో ఆయన కండువా కప్పుకుని బీజేపీలో చేరనున్నారు.
ఈ పరిణామంతో అచ్చంపేట రాజకీయాల్లో కొత్త సమీకరణలు నెలకొనే అవకాశం ఉందని రాజకీయ విశ్లేషకులు అంచనా వేస్తున్నారు.
Read More : తెలంగాణలో తోషిబా పెట్టుబడులు
Share This
