2024 మోస్ట్ స్టైలిష్ పీపుల్లో రాధిక మర్చంట్, అనంత్ అంబానీ చోటు
ప్రపంచ కుబేరుల్లో ఒకరైన ముకేశ్ అంబానీ చిన్న కుమారుడు అనంత్ అంబానీ, రాధిక మర్చంట్ వివాహం ఈ ఏడాది అంగరంగ వైభవంగా జరిగిన సంగతి తెలిసిందే. ఈ వివాహం సమయంలో వధూవరులు ధరించిన దుస్తులు, ఆభరణాలు ప్రపంచవ్యాప్తంగా ఉన్న ఫ్యాషన్ ప్రియులను మంత్రముగ్ధులను చేశాయి.
ఇక ఇప్పుడు, న్యూయార్క్ టైమ్స్ “మోస్ట్ స్టైలిష్ పీపుల్ ఆఫ్ 2024” జాబితాలో అనంత్ అంబానీ మరియు రాధిక మర్చంట్ చోటు సంపాదించారు. ఈ జాబితాలో వారి ప్రత్యేకతను పరిగణనలోకి తీసుకొని, వారి వివాహ వేడుకల్లో ధరించిన స్టైలిష్ దుస్తులు, విలువైన ఆభరణాలు, అంగరంగ వైభవంగా జరిగిన కార్యక్రమాలు ప్రధాన కారణంగా గుర్తించబడ్డాయి.
2023 జనవరిలో జరిగిన వారి నిశ్చితార్థం తర్వాత, 2024 జూలైలో వారు అంబానీ కుటుంబ నివాసమైన యాంటిలియాలో ఎంతో వైభవంగా వివాహం చేసుకున్నారు. జియో వరల్డ్ సెంటర్లో జరిగిన ఈ వేడుకలో దేశవ్యాప్తంగా ఉన్న ప్రముఖులు, సెలబ్రిటీలు, అంతర్జాతీయ నేతలు, పారిశ్రామికవేత్తలు పాల్గొన్నారు. ఈ వివాహ వేడుకలో ఫ్యాషన్ రంగంలో ప్రత్యేకమైన దుస్తులు, నగలు ధరించి అనంత్-రాధికలు మెరిశారు.
వారి వివాహ వేడుకలు మూడు రోజుల పాటు జరిపిన ప్రీ వెడ్డింగ్ కార్యక్రమాలతో ప్రారంభమయ్యాయి. వివాహానికి సంబంధించి అంబానీ కుటుంబం 50 పేద జంటలకు వివాహం జరిపించి, వారికి బంగారం మరియు దుస్తులను కానుకగా ఇచ్చింది.
