బీహార్లో కాంగ్రెస్ అగ్రనేత రాహుల్ గాంధీ చేపట్టిన *‘ఓటర్ అధికార్ యాత్ర’*లో ఓ అనూహ్య ఘటన చోటుచేసుకుంది. ఆయన కాన్వాయ్లోని వాహనం ఢీకొనడంతో ఒక పోలీసు కానిస్టేబుల్ గాయపడ్డాడు. ఈ ఘటనపై డ్రైవర్పై కేసు నమోదు చేసినట్టు పోలీసులు తెలిపారు. అయితే, ప్రమాదం జరిగిన వెంటనే రాహుల్ గాంధీ స్వయంగా ఆగి, గాయపడిన పోలీసుకి సహాయం చేసిన వీడియో సోషల్ మీడియాలో వైరల్ అవుతోంది.
వివరాల్లోకి వెళితే, నవాడా జిల్లాలోని భగత్ సింగ్ చౌక్ వద్ద యాత్ర కొనసాగుతుండగా భద్రతా విధుల్లో ఉన్న ఓ కానిస్టేబుల్ అదుపుతప్పి కాన్వాయ్ వాహనం కిందపడ్డాడు. దీంతో ఆయన కాలికి గాయాలయ్యాయి. ఈ విషయంపై నవాడా ఎస్పీ అభినవ్ ధీమన్ మాట్లాడుతూ, “డ్రైవర్పై కేసు నమోదు చేశాం. పూర్తి వివరాలను త్వరలో వెల్లడిస్తాం” అని తెలిపారు.
ఈ ఘటనపై బీజేపీ తీవ్రంగా స్పందించింది. పార్టీ జాతీయ ప్రతినిధి షెహజాద్ పూనావాలా సోషల్ మీడియా వేదిక ‘ఎక్స్’లో ఓ వీడియో పోస్ట్ చేస్తూ, “రాహుల్ గాంధీ వాహనం ఓ పోలీసును గాయపరిచింది. ఆయన ఆగి చూడకుండా వెళ్లిపోయారు” అని ఆరోపించారు.
అయితే, అనంతరం బయటకు వచ్చిన మరో వీడియోలో వాస్తవం భిన్నంగా కనిపించింది. ప్రమాదం జరిగిన వెంటనే రాహుల్ గాంధీ వాహనం ఆపి, గాయపడిన కానిస్టేబుల్ వద్దకు వెళ్లి సహాయం చేశారు. ఆయన్ని పైకి లేపి తన జీపులో కూర్చోబెట్టి, మంచినీళ్లు ఇచ్చి ఓదార్చారు. తరువాత మాత్రమే యాత్రను కొనసాగించారు.
ఈ వీడియో వైరల్ కావడంతో, బీజేపీ విమర్శలకు కాంగ్రెస్ వర్గాలు కౌంటర్ ఇస్తున్నాయి. దీంతో ఈ ఘటన కాంగ్రెస్-బీజేపీ మధ్య కొత్త రాజకీయ వాదనకు దారితీసింది.
Read More : టీవీకే మదురై మహాసభకు పోటెత్తిన జనం (Video)
One thought on “బీహార్లో రాహుల్ గాంధీ యాత్రలో ఘటన – పోలీసు గాయంతో హైటెన్షన్”
Comments are closed.