వీధి కుక్కల నియంత్రణ విషయంలో దేశవ్యాప్తంగా నెలకొన్న సందిగ్ధతకు తెరదించుతూ సుప్రీంకోర్టు తాజాగా కీలక మార్గదర్శకాలను జారీ చేసింది. జంతు ప్రేమికులు, పౌరుల మధ్య వివాదాలకు కారణమైన ఈ అంశంపై సర్వోన్నత న్యాయస్థానం తన గత ఆదేశాలను సవరించింది.
కొత్త మార్గదర్శకాల ప్రకారం:
- వీధి కుక్కలను పట్టుకున్న తర్వాత వాటికి అవసరమైన టీకాలు, డీవార్మింగ్ చికిత్స అందించాలి.
- ఈ ప్రక్రియ పూర్తయ్యాక, వాటిని ఎక్కడి నుంచి పట్టుకున్నారో అదే ప్రాంతంలో తిరిగి విడిచిపెట్టాలి.
- తద్వారా వాటి ఆవాసాలకు ఎలాంటి భంగం కలగకుండా చూడాలి.
అయితే, ఈ నిబంధన అన్ని కుక్కలకు వర్తించదని ధర్మాసనం స్పష్టం చేసింది. రేబిస్ వ్యాధితో బాధపడుతున్న, ప్రజలపై తీవ్ర దూకుడుగా ప్రవర్తించే కుక్కలను గుర్తించి వాటిని వేరు చేయాలని పేర్కొంది. ఈ ప్రమాదకరమైన కుక్కలకు కూడా రోగనిరోధక టీకాలు వేయాలని, కానీ వాటిని జనావాసాల్లోకి తిరిగి వదలకుండా ప్రత్యేకంగా ఏర్పాటు చేసిన షెల్టర్లలోనే ఉంచి సంరక్షించాలని ఆదేశాల్లో స్పష్టంగా పేర్కొంది.
గత ఆగస్టు 8న సుప్రీంకోర్టు ఇచ్చిన ఉత్తర్వులు కొంత గందరగోళానికి దారితీయడంతో, తాజా సవరణలతో స్పష్టత నిచ్చింది. ఈ కొత్త మార్గదర్శకాలు ప్రజల భద్రతతో పాటు మూగజీవాల సంరక్షణను కూడా సమతుల్యం చేసేలా ఉన్నాయని నిపుణులు అభిప్రాయపడుతున్నారు.
Read More : బీహార్లో రాహుల్ గాంధీ యాత్రలో ఘటన – పోలీసు గాయంతో హైటెన్షన్
One thought on “వీధి కుక్కల నియంత్రణపై సుప్రీంకోర్టు కీలక మార్గదర్శకాలు”
Comments are closed.