హర్యానాలో గూఢచర్యం ఆరోపణలపై ప్రముఖ ట్రావెల్ యూట్యూబర్ జ్యోతి మల్హోత్రాను పోలీసులు అరెస్టు చేశారు. ‘ట్రావెల్ విత్ జో’ పేరుతో యూట్యూబ్ ఛానెల్ నడుపుతున్న ఆమెను మే 16న హిసార్లోని న్యూ అగర్సైన్ ఎక్స్టెన్షన్ ప్రాంతంలో అదుపులోకి తీసుకున్నారు.
ఆమె వద్ద నుంచి స్వాధీనం చేసుకున్న వ్యక్తిగత డైరీలో పాకిస్థాన్ పర్యటన అనుభవాలు, ఆ దేశం పట్ల ఉన్న అభిమానానికి సంబంధించిన పలు అంశాలు వెల్లడయ్యాయి. దీంతో ఈ కేసు జాతీయ దర్యాప్తు సంస్థ (NIA), ఇంటెలిజెన్స్ బ్యూరో (IB), మిలిటరీ ఇంటెలిజెన్స్ అధికారుల సమక్షంలో దర్యాప్తుకు మారింది.
పాక్ పట్ల అనుబంధాన్ని వ్యక్తపరిచిన ఆ డైరీలో – పాకిస్థాన్ ప్రజల నుంచి పొందిన ప్రేమ, లాహోర్ అనుభవాలు, భారతీయులకు పాకిస్థాన్ ఆలయాలను తెరవాలన్న విజ్ఞప్తి వంటి వ్యాఖ్యలు ఉండడం అనుమానాలు పెంచింది.
ఈ కేసును అధికారిక రహస్యాల చట్టం మరియు భారతీయ నాగరిక సురక్షా కోడ్ (BNS)లోని విభాగాల ప్రకారం నమోదు చేశారు. గత రెండు వారాల్లో పంజాబ్, హర్యానా, యూపీ రాష్ట్రాల్లో గూఢచర్య ఆరోపణలపై 12 మంది అరెస్టయ్యారు. వారిలో జ్యోతి మల్హోత్రా ఒకరు కావడం మరింత కలకలం రేపుతోంది.
దర్యాప్తు అధికారులు – ఉత్తర భారతదేశంలో పాకిస్తాన్ గూఢచారి నెట్వర్క్ చురుగ్గా ఉందని అనుమానిస్తున్నారు. దీనిపై కేంద్ర దర్యాప్తు సంస్థలు పూర్తి స్థాయిలో విచారణ చేపట్టినట్టు తెలుస్తోంది.
Read More : ముంబైలో ఇద్దరు మహిళల మరణంపై బీఎంసీ క్లారిటీ.
One thought on “యూట్యూబర్ జ్యోతి మల్హోత్రా అరెస్ట్”
Comments are closed.