ప్రజాశాంతి పార్టీ అధ్యక్షుడు కేఏ పాల్ యుద్ధ సామగ్రి విక్రయించే శక్తులు ఎప్పటికీ శాంతిని కోరుకోరని, వారికి యుద్ధాలే కావాలని అన్నారు. ఢిల్లీలోని తెలంగాణ భవన్లో మీడియాతో మాట్లాడుతూ, అమెరికా అధ్యక్షుడు డొనాల్డ్ ట్రంప్ నిజమైన శాంతిని కోరుకుంటే ముందుగా ఆయుధాల అమ్మకాలను నిలిపివేయాలని డిమాండ్ చేశారు.
అమెరికా మూడు రోజుల్లోనే సౌదీ అరేబియా, యూఏఈ, ఖతార్ వంటి దేశాలకు భారీగా యుద్ధ సామగ్రిని విక్రయించినట్టు పాల్ ఆరోపించారు. దేశ జీడీపీలో మూడో వంతుకు సమానమైన ఆయుధాలు విక్రయించడం యుద్ధాలనే ప్రోత్సహించడమేనని, అలాంటి చర్యలు తీసుకునే వారు యుద్ధాలను ఎలా ఆపగలరో ప్రశ్నించారు.
భారత్, పాకిస్థాన్ మధ్య కాల్పుల విరమణకు ముందు అమెరికా ఉపాధ్యక్షుడు జేడీ వాన్స్ జోక్యం చూపిస్తామని ప్రకటించగా, తర్వాత యుద్ధాన్ని ఆపామన్న అబద్ధ ప్రచారాలు జరిగాయని కేఏ పాల్ విమర్శించారు. ఈ నేపథ్యంలో ప్రధాని నరేంద్ర మోదీ మౌనంగా ఉండటం, ట్రంప్ పరువు పోవడానికి కారణమని చెప్పారు.
ఇది తో పాటు, ఈ నెల 24వ తేదీన సికింద్రాబాద్ జింఖానా గ్రౌండ్స్లో ప్రపంచవ్యాప్తంగా 200కు పైగా దేశాల ప్రజలు హాజరుకానున్న శాంతి సభను నిర్వహిస్తామని కేఏ పాల్ ప్రకటించారు. ఈ శాంతి సభ ద్వారా ప్రపంచానికి శాంతి అవసరాన్ని తెలియజేయడం ప్రధాన లక్ష్యమని అన్నారు.
Read More : నూజివీడు కోర్టు విచారణ సోమవారం
2 thoughts on “కేఏ పాల్ యుద్ధసామగ్రి విక్రయించే దేశాలను తీవ్రంగా విమర్శించారు.”
Comments are closed.