కన్నడ స్టార్ రిషబ్ శెట్టి గతంలో ఎన్నడూ లేని విధంగా ఒక విస్మయకరమైన అనుభవాన్ని పొందారు. మంగుళూరులో జరిగిన కద్రి బరెబైల్లో వార్షిక ఉత్సవాల్లో పాల్గొన్న ఆయన, పంజుర్లీ వారాహి దేవి ఆశీర్వాదాన్ని పొందారు. ఈ సందర్భంలో దేవి ఆయనతో మాట్లాడుతూ – శత్రువులు నీ కుటుంబాన్ని నాశనం చేయాలనే కుట్రలు పన్నుతున్నారు అని హెచ్చరించిందట. అయితే ఏ విధమైన హానీ జరిగేలా నేను అనుమతించను, ఐదు నెలల్లో మీకు మంచి జరగుతుంది అని దేవి భరోసా ఇచ్చిందని సమాచారం.
‘కాంతారా’ సినిమా ద్వారా దేశవ్యాప్తంగా గుర్తింపు తెచ్చుకున్న రిషబ్, తనను తాను ప్రతిభావంతుడిగా నిరూపించుకున్నాడు. ఆ సినిమాను డైరెక్ట్ చేయడమే కాకుండా కీలక పాత్రలో నటించి నేషనల్ అవార్డ్ కూడా అందుకున్నాడు. 16 కోట్ల బడ్జెట్తో తీసిన కాంతారా, దాదాపు 400 కోట్లకు పైగా వసూళ్లు చేసి సంచలనం సృష్టించింది. ఈ విజయంతో ప్రేరణ పొందిన రిషబ్, ఇప్పుడు కాంతారా సినిమాకు ప్రీక్వెల్గా ‘కాంతారా 2’ని రూపొందిస్తున్నారు. ఈ సినిమా మీద దేశవ్యాప్తంగా ప్రేక్షకుల్లో భారీ అంచనాలు ఉన్నాయి.
ఇక ‘కాంతారా 2’ తరువాత రిషబ్ శెట్టి ‘జై హనుమాన్’ అనే చిత్రంలో హనుమంతుడిగా కనిపించనున్నారు. ఈ పాత్ర కోసం కూడా భారీగా రెడీ అవుతున్నారట. అంతేకాక, తెలుగు, తమిళ్ భాషల్లోనూ పలువురు దర్శకులు అతనితో సినిమా చేయాలని ఆసక్తి చూపిస్తున్నారు. అయినా రిషబ్ మాత్రం పూర్తిగా ‘కాంతారా 2’పై ఫోకస్ పెట్టాడు. మొదట ఈ ఏడాది రెండవార్థంలో రిలీజ్ చేయాలని ప్లాన్ చేసినా, కొన్ని కారణాల వల్ల సినిమా కొంత ఆలస్యమయ్యే సూచనలు కనిపిస్తున్నాయి.
One thought on “రిషబ్ శెట్టికి పంజుర్లీ వారాహి దేవి హెచ్చరిక: శత్రువుల ముప్పు!”
Comments are closed.