‘టెస్ట్’ ట్రైలర్: గేమ్ కాదు, జీవితం ఓ పరీక్ష!

నయనతార, మాధవన్, సిద్ధార్థ్ కలిసి నటించిన స్పోర్ట్స్ డ్రామా ‘టెస్ట్’ నెట్‌ఫ్లిక్స్‌లో స్ట్రీమింగ్‌కు సిద్ధమైంది. ఈ సినిమాకు సంబంధించి తాజాగా విడుదలైన ట్రైలర్ ఆసక్తికరంగా మారింది. ట్రైలర్ చూస్తే ఇది కేవలం క్రికెట్ కథ మాత్రమే కాదు, జీవితం ఎదురించే పరీక్షలు కూడా ప్రధానంగా ఉన్నట్లు తెలుస్తోంది.

ప్రధాన పాత్రల మధ్య మానసిక సంఘర్షణ, కుటుంబ బంధాలు, వ్యక్తిగత కలలు, సామాజిక బాధ్యతలు—ఈ అన్ని అంశాలు కథలో మిళితమయ్యాయి. మాధవన్ పోషించిన శరవణన్ పాత్ర దేశ అభివృద్ధి కోసం పర్యావరణహిత వాహనాల పరిశోధన చేస్తుంటే, అతనికి ఎదురయ్యే అవరోధాలు, రాజకీయ ఒత్తిళ్లు ట్రైలర్‌లో హైలైట్ చేశారు.

మరోవైపు, సిద్ధార్థ్ పాత్ర అర్జున్, భారత క్రికెట్ టీమ్‌లో చోటు కోసం పోరాడే యువ క్రికెటర్. అతనికి కేవలం టెస్ట్ మ్యాచ్ స్కోరు మాత్రమే కాదు, జీవిత పరీక్షలే అసలైన సవాళ్లు. ఈ రెండు పాత్రల మధ్య నయనతార ‘కుముద’గా కనెక్ట్ అవుతుంది. తల్లి కావాలనుకునే మహిళగా ఆమె భావోద్వేగపూరిత ప్రయాణం ఆసక్తిని రేకెత్తిస్తోంది.

టెక్నికల్‌గా, బీజీఎమ్ సినిమాకు ప్రధాన ఆకర్షణగా నిలుస్తుంది. విజువల్స్ స్టైలిష్‌గా ఉండేలా మలచారు. మూడు ప్రధాన పాత్రలు—ఒకటి ఆటగాడి కల, రెండు శాస్త్రవేత్త ఆశ, మూడవది ఒక మహిళ కోణం. “హీరో ఎవరు, విలన్ ఎవరు?” అనే ప్రశ్నను ట్రైలర్ ఆకట్టుకునేలా సెట్ చేసింది. ఏప్రిల్ 4 నుంచి నెట్‌ఫ్లిక్స్‌లో స్ట్రీమింగ్ కానున్న ఈ సినిమా, దృశ్యపరంగా గొప్ప అనుభూతినిచ్చే ఎమోషనల్ స్పోర్ట్స్ డ్రామాగా నిలుస్తుందా? అన్నది చూడాల్సిన విషయమే!

TEST trailer out now.
How far will they go for their dreams? Only a TEST will tell.

Watch TEST, starring @ActorMadhavan, Nayanthara, and Siddharth, out 4 April in Tamil, Telugu, Malayalam, Kannada and Hindi, only on Netflix! pic.twitter.com/KOIaSno9hx

— Netflix India South (@Netflix_INSouth) March 25, 2025

Read More