ప్రముఖ గాయని నేహా కక్కర్ ఇటీవల మెల్బోర్న్లో జరిగిన తన కన్సర్ట్ లో భావోద్వేగానికి లోనయ్యారు. వేదికపై ఆమె ఏడుస్తున్న వీడియో వైరల్ అవ్వడంతో ఈ ఘటన చర్చనీయాంశంగా మారింది. కన్సర్ట్ కి ఆమె మూడు గంటలు ఆలస్యంగా చేరుకున్నారన్న కారణంతో కొంతమంది ప్రేక్షకులు అసహనం వ్యక్తం చేశారు. ఈ ట్రోలింగ్ను తట్టుకోలేక నేహా వేదికపైనే కన్నీరు పెట్టుకున్నారు.
ఈ వివాదంపై నేహా స్పందించకపోయినా, ఆమె సోదరుడు టోనీ కక్కర్ మాత్రం తన సోదరికి మద్దతుగా నిలిచారు. టోనీ, ఆ కచేరీలో ఓ మహిళా అభిమానిని నేహా ఓదార్చిన వీడియోను ఇన్స్టాగ్రామ్లో షేర్ చేస్తూ – “ఫ్యాన్స్ కూడా ఏడుస్తారు.. వారి భావోద్వేగాలు నిజమైనవే.. అలాంటప్పుడు ఆర్టిస్ట్ కన్నీరు పెట్టుకోవడం ఎలా యాక్టింగ్ అవుతుంది?” అంటూ వ్యాఖ్యానించారు.
ఇక ఈ వివాదానికి సంబంధించిన వివరాలను పరోక్షంగా వెల్లడిస్తూ, టోనీ మరో పోస్ట్ చేశారు. కళాకారులకు ఏర్పాట్లు సరిగ్గా లేకపోతే వారు ఎదుర్కొనే ఇబ్బందులను వివరించారు. విమానాశ్రయం నుంచి హోటల్ వరకు తగిన ఏర్పాట్లు లేకపోతే కలిగే అసౌకర్యం గురించి చెబుతూ, ఆర్టిస్ట్లను విమర్శించే ముందు ప్రజలు వారి పరిస్థితులను కూడా అర్థం చేసుకోవాలని సూచించారు.
కళాకారులకు, ప్రేక్షకులకు మధ్య ఉన్న భావోద్వేగాలను ఈ ఘటన హైలైట్ చేసింది. అయితే, నేహా కక్కర్ అనుభవించిన ఈ పరిస్థితిపై సోషల్ మీడియాలో ఇప్పటికీ విభిన్న స్పందనలు వ్యక్తమవుతున్నాయి.
Neha Kakkar crying for being 3 hrs late at a Melbourne show
— Redditbollywood (@redditbollywood) March 24, 2025
She also performed for less than 1 hour #NehaKakkar pic.twitter.com/TGyhaeCjpu
One thought on “వేదికపై భావోద్వేగానికి లోనైన నేహా కక్కర్.. ట్రోలింగ్కు సోదరుడి కౌంటర్!”
Comments are closed.