TG Police: న్యూఇయర్ వేడుకల్లో అలా చేశారో జాగ్రత్త.. పోలీసుల హెచ్చరిక
హైదరాబాద్, డిసెంబర్ 21: న్యూఇయర్ వేడుకలు కాస్త దగ్గరయ్యాయి. కొత్త సంవత్సరాన్ని ఘనంగా ఆహ్వానించేందుకు వివిధ ఈవెంట్లను నిర్వహించేందుకు చాలా మంది ముందుకొస్తారు. పెద్ద పెద్ద ఈవెంట్లు, వేడుకలు ఏర్పాటు చేస్తారు. అయితే, కొందరు డ్రగ్ ముఠాలు న్యూఇయర్ వేడుకలను టార్గెట్ చేసి డ్రగ్స్ వినియోగానికి ప్రోత్సాహం ఇచ్చే ప్రయత్నాలు చేస్తున్నారు. ఇప్పటికే వివిధ రాష్ట్రాల నుంచి అనేక రకాల డ్రగ్స్ నగరానికి తీసుకువచ్చేందుకు యత్నించారు.
ఈ మేరకు పోలీసులు ముమ్మరంగా నిఘా పెట్టి, వారి చర్యలను తక్షణం భగ్నం చేశారు. నిన్నటి నుంచి 15 రోజుల కాలంలో 400 కోట్లు విలువైన డ్రగ్స్ను స్వాధీనం చేసుకున్నారు. 266 డాగ్స్తో రాష్ట్రవ్యాప్తంగా తనిఖీలు నిర్వహించామని, 100 మీటర్ల దూరంలో గంజాయి మొక్కలను కూడా గుర్తించి వాటిని పట్టుకున్నామని తెలిపారు.
నర్సొటిక్స్ బ్యూరో ఎస్పీ సాయి చైతన్య మాట్లాడుతూ, డ్రగ్స్ సరఫరా చేస్తున్న వారిని పట్టుకుని అరెస్ట్ చేసి జైలుకు తరలించామని, న్యూఇయర్ వేడుకల్లో ఎవరు డ్రగ్స్ వినియోగించవద్దని హెచ్చరించారు.
