వల్లభనేని వంశీకి మరోసారి షాక్.. రిమాండ్ పొడిగింపు..

గన్నవరం మాజీ ఎమ్మెల్యే వల్లభనేని వంశీకి మరోసారి పెద్ద షాక్ తగిలింది. విజయవాడ AJFCM కోర్టు మంగళవారం ఆయన రిమాండ్‌ను 15-04-2025 వరకు పొడిగించే ఆదేశాలు జారీ చేసింది. వంశీపై తమ భూమిని బెదిరించి లాక్కున్నారు అనే ఆరోపణలపై గతంలో అత్కూరు పోలీసు స్టేషన్‌లో కేసు నమోదైంది.

ఇదే కేసులో, వంశీని ఇటీవల కోర్టు ఒకరోజు పాటు కస్టడీకి తీసుకున్న విషయం తెలిసిందే. కోర్టు రిమాండ్ పొడిగింపును అనుమతించిన అనంతరం, వంశీ ఇంకా జ్యుడిషియల్ రిమాండ్‌లో ఉంటాడు.

అదే సమయంలో, గన్నవరం టీడీపీ కార్యాలయంపై దాడి కేసులో వంశీ ప్రధాన అనుచరుడైన మోహన్ రంగాను సీఐడీ అధికారులు కస్టడీలోకి తీసుకున్నారు. మోహన్ రంగా గతంలో అజ్ఞాతంలో వెళ్లిన విషయం తెలిసిందే. ఇటీవల ఆయనను పోలీసులు అరెస్ట్ చేసి కోర్టులో ప్రవేశపెట్టారు.

ఈ కేసులో, సీఐడీ కస్టడీకి సంబంధించి విజయవాడ AJFCM కోర్టు నిర్ణయాలు వెలువరించాయి.

Read More : ఆంధ్రప్రదేశ్‌ ప్రభుత్వం కొత్త ATM కార్డు సైజులో రేషన్ కార్డులను జారీ చేయనున్నట్లు మంత్రి నాదెండ్ల మనోహర్ ప్రకటించారు…