యంగ్ హీరో నితిన్ తన గత చిత్రాలపై స్పందిస్తూ అభిమానులను గౌరవిస్తూ భావోద్వేగంతో మాట్లాడారు. వేణు శ్రీరామ్ దర్శకత్వంలో రూపొందిన ‘తమ్ముడు’ చిత్రం ట్రైలర్ లాంచ్ కార్యక్రమంలో ఆయన తన మనసులో మాట బయటపెట్టారు. గత సినిమాల ఫలితాలతో అభిమానులను నిరాశపరిచినందుకు క్షమాపణ చెబుతూ, ఇకపై కేవలం మంచి కథలతోనే ముందుకు వస్తానని నితిన్ హామీ ఇచ్చారు. “ఈ సినిమా విజయం సాధించాలనే నా ఆకాంక్ష ముగ్గురి కోసం ఉంది. దర్శకుడు వేణు శ్రీరామ్ రెండు సంవత్సరాలుగా ఎంత శ్రమించారు నాకు తెలుసు. నన్ను నమ్మి ప్రేమించే అభిమానుల కోసం కూడా ఈ సినిమా తప్పకుండా విజయం సాధించాలి. ఇటీవల నా సినిమాలు నిరాశపరిచాయని తెలుసు. అందరికీ క్షమాపణ చెబుతున్నాను. ఇకపై కథను చూసి మాత్రమే సినిమా చేస్తాను. మంచి కంటెంట్తోనే ముందుకు వస్తాను” అని నితిన్ చెప్పారు.
జులై 4న విడుదల కానున్న ‘తమ్ముడు’ చిత్రం కోసం ప్రేక్షకులు ఎదురుచూస్తున్నారు. ఈ చిత్రంలో నితిన్కు జోడిగా సప్తమి గౌడ నటిస్తున్నారు.
ఈ కార్యక్రమంలో నిర్మాత దిల్ రాజు కూడా మాట్లాడారు. “నితిన్ గత ఫలితాల వల్ల కొంత నిరాశలో ఉన్నా, *‘తమ్ముడు’*తో గట్టి కమ్బ్యాక్ ఇస్తాడు. అతను ఎంత వేగంగా కిందపడ్డాడో అంతే వేగంగా పైకి లేస్తాడు” అని ధీమా వ్యక్తం చేశారు. అదే వేదికపై దిల్ రాజు మరో ఆసక్తికర ప్రకటన చేశారు. “ఈ ఏడాది గేమ్ ఛేంజర్ చిత్రం రామ్ చరణ్ అభిమానులకు పూర్తి సంతృప్తి ఇవ్వలేదు. ఆ లోటును భర్తీ చేయడానికి చరణ్తో మరో హిట్ సినిమా చేయబోతున్నాం. ఇప్పటికే చర్చలు మొదలయ్యాయి. త్వరలో అధికారిక ప్రకటన ఉంటుంది” అని తెలిపారు.
ఈ కార్యక్రమం మొత్తం జోష్తో సాగింది. ‘తమ్ముడు’ ట్రైలర్పై మంచి స్పందన వచ్చింది. అభిమానులు నితిన్ నుంచి మళ్లీ మంచి విజయాన్ని ఆశిస్తున్నారు.
One thought on “తమ్ముడు ట్రైలర్ ఈవెంట్లో నితిన్ భావోద్వేగం”
Comments are closed.