నాగ చైతన్య కెరీర్లో మళ్లీ మంచి ఫామ్లోకి వచ్చాడు. రీసెంట్గా విడుదలైన తండేల్ సినిమాతో అతనికి మంచి గుర్తింపు లభించింది. ఈ సినిమా ₹100 కోట్ల గ్రాస్ సాధించడంతో, గత ఫ్లాప్ల తర్వాత ఇది అతనికి పెద్ద హిట్ అయింది. ఈ విజయంతో చైతన్య క్రేజ్ పెరిగింది. సాయి పల్లవి, చందూ మొండేటి కాంబినేషన్ మరోసారి విజయాన్ని అందించింది.
ఇప్పుడు, నాగ చైతన్య తన తదుపరి ప్రాజెక్టులపై మరింత దృష్టి సారించాడు. ప్రస్తుతం, అతను కార్తీక్ వర్మ దండు దర్శకత్వంలో ఓ థ్రిల్లర్, సూపర్ న్యాచురల్ సినిమా చేస్తున్నాడు. ఈ సినిమాలో అతని పాత్ర చాలా పవర్ఫుల్గా ఉంటుందని తెలుస్తోంది. రహస్యం చుట్టూ తిరిగే ఈ కథను డిఫరెంట్గా చూపించనున్నట్లు సమాచారం.
తండేల్ ఇచ్చిన విజయంతో, చైతన్య కొత్త కథలపై ఆసక్తిగా ఉన్నాడట. తాజా సమాచారం ప్రకారం, నాగ చైతన్య కొత్త దర్శకుడు కిషోర్తో ఓ సినిమా చేయడానికి గ్రీన్ సిగ్నల్ ఇచ్చాడని టాలీవుడ్ వర్గాల్లో చర్చ జరుగుతోంది. ఈ కథ వినగానే చైతన్య తన పాత్రను ఎంతో ఇష్టపడి వెంటనే ఓకే చెప్పాడని అంటున్నారు.
ఈ సినిమా పూర్తిగా కొత్త కాన్సెప్ట్తో తెరకెక్కనుంది. చైతన్య ఇప్పటివరకు ఎక్కువగా ప్రేమకథలు, ఫ్యామిలీ డ్రామాలలో కనిపించాడా, కానీ తండేల్ తర్వాత కొత్త జానర్లను ట్రై చేయాలని అనుకుంటున్నట్లు సమాచారం. కొత్త దర్శకుడితో ప్రయోగం చేయడం ఆయనకు సరికొత్త ఛాలెంజ్ అవుతుందని చెబుతున్నారు.
గతంలో మజిలీ, లవ్ స్టోరీ వంటి సినిమాలతో లవర్ బాయ్ ఇమేజ్ను హైలైట్ చేసిన చైతన్య, ఇప్పుడు హార్డ్ హిట్టింగ్ కాన్సెప్ట్లను ఎంచుకుంటున్నట్లు సమాచారం. అధికారిక సమాచారం రాలేదు, కానీ నాగ చైతన్య తదుపరి సినిమాపై అంచనాలు పెరిగాయి. తండేల్ వంటి విజయంతో, ఆయన కొత్తదనంతో కూడిన కథ ఎంచుకుంటే, అది మరో సెన్సేషన్ అవ్వడం ఖాయం. త్వరలో ఈ కొత్త ప్రాజెక్ట్పై క్లారిటీ రానుంది.
One thought on “నాగ చైతన్య కొత్త దర్శకుడితో కొత్త ప్రయోగం?”
Comments are closed.