టాలీవుడ్ యంగ్ హీరో, ప్రొడ్యూసర్ రానా దగ్గుబాటి రెజిల్ మేనియా 41వ ఈవెంట్లో పాల్గొని ప్రత్యేకమైన రికార్డ్ సృష్టించారు. లాస్ వెగాస్లో జరిగిన ఈ ప్రఖ్యాత రెజ్లింగ్ ఈవెంట్లో పాల్గొన్న తొలి ఇండియన్ సినీ సెలబ్రిటీగా రానా గుర్తింపు పొందారు. ఈ సందర్భంగా ఆయన స్టైలిష్ వైట్ అండ్ బ్లాక్ ఔట్ఫిట్లో మెరిశారు. రానా ఈవెంట్కు హాజరైన ఫోటోలు, వీడియోలు సోషల్ మీడియాలో విపరీతంగా వైరల్ అవుతున్నాయి.
ఈ సందర్భంగా రెజిల్ మేనియాలో రానా ప్రత్యేకంగా ప్రస్తావించబడ్డారు. హోస్ట్ కూడా రానా నాయుడు వెబ్ సిరీస్ నెట్ఫ్లిక్స్లో స్ట్రీమింగ్ అవుతోందని గుర్తు చేశారు. బాల్యంలో తనకు WWE అంటే ప్రత్యేకమైన అనుబంధం ఉందని, ఇప్పుడు ప్రత్యక్షంగా రెజిల్ మేనియాను చూడడం ఓ ఫుల్ఫిల్ ఫీలింగ్ అని రానా పేర్కొన్నారు. అలాగే భారత్ను అంతర్జాతీయ స్థాయిలో ప్రతినిధ్యం వహించడం గర్వంగా ఉందన్నారు.
రానా రెజ్లింగ్కు పెద్ద అభిమాని అని తెలిసింది. ఇప్పటికే ఆయన పలువురు ఫేమస్ రెజ్లర్లను కూడా కలిసినట్టు వార్తలు వచ్చాయి. ఇక రానా కెరీర్ విషయానికి వస్తే, చివరిసారిగా ఆయన ‘విరాట పర్వం’ చిత్రంలో హీరోగా కనిపించారు. తర్వాత కోలీవుడ్ సూపర్ స్టార్ రజినీకాంత్ సినిమా ‘వేట్టయాన్’లో కీలక పాత్ర పోషించి మెప్పించారు.
రెజిల్ మేనియా 41వ ఈవెంట్ ఏప్రిల్ 19-20 తేదీల్లో జరిగి భారీ విజయాన్ని నమోదు చేసింది. ఫేమస్ రెజ్లర్ జాన్ సీనా ఈ ఈవెంట్లో కోడీ రోడ్స్పై విజయం సాధించి, 17 టైటిళ్లతో రికార్డు సృష్టించారు. అలాంటి చరిత్రాత్మక ఘట్టాన్ని ప్రత్యక్షంగా వీక్షించిన తొలి తెలుగు హీరోగా రానా ప్రత్యేక గుర్తింపు తెచ్చుకున్నారు.
One thought on “రెసిల్ మేనియాలో రికార్డ్ సృష్టించిన రానా దగ్గుబాటి!”
Comments are closed.