జనరల్ గా హీరోయిన్లు సంవత్సరానికి మూడు, నాలుగు సినిమాలు ఈజీగా చేసేస్తారు. బాగా అవకాశాలు వస్తే.. ఐదారు సినిమాలు కూడా చేయగలరు. కానీ ఒక హీరోయిన్ మాత్రం ఐదేళ్లలో ఒకే ఒక సినిమా చేసింది. ఛాన్స్ రాలేదేమో, అందుకే అనుకోకండి. ఈ ఐదేళ్లలో చాలా అవకాశాలు వచ్చాయి. భారీ ప్రాజెక్టులు కూడా ఆమె దగ్గరకు వచ్చాయి. కానీ ఆమె చేయలేకపోయింది. కారణం ఐదేళ్ల క్రితం ఒక సినిమా కోసం రాసుకున్న అగ్రిమెంటే. ఆ సినిమా షూటింగ్ పూర్తయ్యే వరకు మరో సినిమాలో నటించకూడదని చిత్రబృందం ఆమెతో అగ్రిమెంట్ రాసుకుంది. పెద్ద ప్రాజెక్ట్ కదా..మహా అయితే ఏడాది సమయం పడుతుంది. అయినా పర్లేదు మంచి గుర్తింపు వస్తుంది అనుకొని ఆమె ఒప్పుకుంది. కానీ ఆ సినిమా వాయిదాల మీద వాయిదా పడుతూ.. చివరకు ఐదేళ్ల తర్వాత రిలీజ్ కు రెడీ అయింది. ఈ పాటికే ఆ సినిమా ఏంటో, హీరోయిన్ ఎవరో అర్థమయ్యుండతుందేమో కదా.. అవునండీ ఆ సినిమానే హరి హర వీరమల్లు. ఈ ఐదేళ్లు మరో సినిమా చేయకుండా ఎదురు చూసిన హీరోయినే నిధి అగర్వాల్.
అయితే, ఈ ఐదేళ్లలో ఆమెకు ఫైనాన్షియల్ గా ప్రాబ్లమ్ రాకుండా.. షాప్ ఓపెనింగ్స్ కి వెళ్లిందట. ఈ విషయాన్ని తాజాగా స్వయంగా నిధినే చెప్పింది. హరిహర వీరమల్లు సినిమా ప్రమోషన్స్ లో భాగంగా గురువారం నిధి అగర్వాల్ మీడియాతో ముచ్చటించారు. ఈ సందర్భంగా ఈ సినిమా కోసం 5 సంవత్సరాలు కేటాయించారు కదా.. ఫైనాన్షియల్ గా ప్రాబ్లం అయిందా? అని ఓ విలేకరి అడగ్గా.. ఆర్థికంగా ఎలాంటి ఇబ్బందులు రాలేదు. నెలకు కనీసం ఒక షాప్ ఓపెనింగ్ అయినా వచ్చేది. ఆ డబ్బు సరిపోయేది అని నిధి అగర్వాల్ చెప్పింది. ఐదేళ్లు ఆగినా.. ఓ మంచి చిత్రంతో ప్రేక్షకుల ముందుకు వస్తున్నానని, తను పడిన కష్టానికి తగిన గుర్తింపు వస్తుందనే ఆశిస్తున్నానని నిధి చెప్పింది.
అలాగే ఇకపై సీజీ వర్క్ ఉన్న సినిమాలు చేయనని.. 2, 3 నెలల్లో షూటింగ్ అయిపోయి.. రిలీజ్ అయ్యే సినిమాలే చేస్తానని నిధి అగర్వాల్ అన్నారు. ఇకపై తను నటించబోయే ఏ సినిమాకి అయినా.. హరి హర వీరమల్లు సినిమాకు చేసుకున్నట్లుగా అగ్రిమెంట్ చేసుకోనని తేల్చి చెప్పింది నిధి.
One thought on “హరిహర వీరమల్లు కారణంగా సంచలన నిర్ణయం తీసుకున్న నిధి”
Comments are closed.