నేచురల్ స్టార్ నాని, “దసరా” ఫేమ్ శ్రీకాంత్ ఓదెల కాంబినేషన్లో రూపొందుతున్న చిత్రం “ది ప్యారడైజ్” ప్రేక్షకుల్లో భారీ ఆసక్తిని రేకెత్తించింది. మ్యాడ్ మ్యాక్స్ శైలి యాక్షన్ డ్రామాగా తెరకెక్కుతున్న ఈ చిత్రం పాన్ ఇండియా స్థాయిలో విడుదలకానున్నందున, ప్రేక్షకులు, అభిమానులు ప్రతి కొత్త అప్డేట్ కోసం ఉత్కంఠతో ఎదురుచూస్తున్నారు.
తాజాగా విడుదలైన నాని లుక్ పోస్టర్ ఈ అంచనాలను మరింత పెంచింది. మిషన్ గన్తో, వర్షాన్ని తట్టుకుంటూ నిలబడి ఉన్న నాని పాండి యాక్షన్ హీరోగా కనిపిస్తున్న ఈ లుక్ చిత్రానికి కొత్త ఇంటెన్సిటీని చేకూర్చింది. 1980ల కాలం ఆధారంగా, మ్యాడ్ మ్యాక్స్ శైలి ఈ చిత్రం విజువల్ మాసివ్ అనుభవాన్ని అందించబోతున్నట్లు సంకేతం ఇస్తుంది.
“ది ప్యారడైజ్” చిత్రాన్ని సుధాకర్ చెరుకూరి SLV సినిమాస్ పతాకంపై భారీ స్థాయిలో నిర్మిస్తున్నారు. ఈ చిత్రానికి 110-120 కోట్లు బడ్జెట్ కేటాయించినట్లు సమాచారం. దర్శకుడు శ్రీకాంత్ ఓదెల, నిర్మాత సుధాకర్ చెరుకూరి విజువల్గా సమృద్ధిగా ఉండేలా ఈ చిత్రానికి పెద్ద బడ్జెట్ను కేటాయించారు. అన్ని భాషలలో విడుదల చేయబడనున్న ఈ చిత్రం, బిజినెస్ పరంగా కూడా భారీ ఆశలు కలిగిస్తోందని టాక్.
ఇటీవల ఈ చిత్ర విడుదల తేదీపై కొన్ని గాసిప్స్ వినిపించాయి. 2026 మార్చి 26న, రామ్ చరణ్-బుచిబాబు దర్శకత్వంలో మరో భారీ చిత్రం విడుదల కావచ్చు అని ప్రచారం జరిగింది. అయితే, మేకర్స్ ఆ గాసిప్స్కు ఫుల్ స్టాప్ పెట్టారు. “365 రోజులు” అనే నాని కొత్త పోస్టర్తో “ది ప్యారడైజ్” యొక్క అధికారిక విడుదల తేదీని మరోసారి 2026 మార్చి 26 అని ప్రకటించారు.
One thought on “నాని ‘ది ప్యారడైజ్’ స్టన్నింగ్ లుక్!”
Comments are closed.