మలయాళ సూపర్ స్టార్ మోహన్ లాల్ నటించిన “ఎల్ 2: ఎంపురాన్” విడుదలైన వారం రోజుల్లోనే వివాదాలపాలైంది. పృథ్వీరాజ్ సుకుమారన్ దర్శకత్వం వహించిన ఈ చిత్రంపై మతతత్వ సంఘాలు, కొన్ని రాజకీయ నేతలు తీవ్ర విమర్శలు చేశారు. హిందూ వ్యతిరేక భావాలను ప్రోత్సహిస్తోందంటూ, దేశవ్యాప్తంగా సినిమా బ్యాన్ చేయాలని డిమాండ్లు రావడంతో, చిత్ర నిర్మాత ఆంటోనీ పెరుంబవూర్ స్వచ్ఛందంగా సినిమాను సెన్సార్ బోర్డ్కు మళ్లీ తీసుకెళ్లారు.
ఈ రీ సెన్సార్లో సెన్సార్ బోర్డ్ మొత్తం 25 మార్పులను సూచించింది. ముఖ్యంగా, వివాదాస్పద విలన్ పాత్ర పేరును బజరంగి నుండి బల్దేవ్గా మార్చడమే కాకుండా, మతపరమైన గుర్తులు, సంభాషణలను తొలగించడం లేదా మ్యూట్ చేయడం జరిగింది. కొన్ని సన్నివేశాలు బ్లర్ చేయడం, కొన్ని లోగోలను మార్పిడి చేయడం వంటి చర్యలు కూడా ఈ మార్పులలో ఉన్నాయి. టైటిల్ కార్డ్లో కేంద్ర మంత్రి సురేష్ గోపీకి కృతజ్ఞతలు తెలుపుతూ చూపిన పేరు కూడా తొలగించారు. ఈ మార్పులతో చిత్ర యూనిట్ సభ్యులు వివాదాలకు స్వస్తి పలకాలని నిర్ణయించుకున్నారు.
రూపొందించినప్పటి నుంచి ఎల్ 2: ఎంపురాన్ భారీ వసూళ్లు సాధించింది. మొదటి రెండు రోజుల్లోనే రూ.100 కోట్లు రాబట్టిన ఈ సినిమా, ఇప్పటికే రూ.200 కోట్ల మార్క్ను దాటినట్లు సమాచారం. రీ సెన్సార్ తర్వాత సినిమా వ్యాపారం మరింత ఊపందుకునే అవకాశాలున్నాయని బాక్సాఫీస్ విశ్లేషకులు అభిప్రాయపడ్డారు. దర్శకుడు పృథ్వీరాజ్ సుకుమారన్పై వచ్చిన విమర్శల మధ్య, నిర్మాతలు బాధ్యతతో, స్వీయ నియంత్రణలో మార్పులు చేశామని తెలిపారు.
One thought on “సూపర్ స్టార్ మోహన్ లాల్ ఎల్ 2: ఎంపురాన్కి రీ సెన్సార్ – 25 మార్పులు, చేర్పులు”
Comments are closed.