కోచ్చి బ్యూటీ మమితా బైజు తెలుగులో “ప్రేమలు” సినిమాతో గుర్తింపు పొందిన సంగతి తెలిసిందే. ఒక్క హిట్ ఆమెకు రెండు భాషల్లో సాలిడ్ అవకాశాలు తెచ్చిపెట్టింది. ప్రస్తుతం తెలుగు, తమిళ చిత్రాలతో పాటు కోలీవుడ్లో స్టార్ హీరోల సరసన నటిస్తోంది. విజయ్ హీరోగా నటిస్తున్న “జన నాయకన్” సినిమాలో పూజా హెగ్డే మెయిన్ లీడ్గా నటిస్తుండగా, మమితా బైజు సెకండ్ లీడ్ పాత్రను దక్కించుకుంది. ఈ సినిమా సెట్స్లో ఉండగానే, ధనుష్, సూర్య వంటి స్టార్ హీరోలతో కూడా సినిమాలకు సైన్ చేసినట్టు సమాచారం.
ధనుష్ హీరోగా “ఫోర్ థోజిల్” ఫేం విఘ్నేష్ రాజా దర్శకత్వంలో ఓ చిత్రంలో కథానాయికగా ఆమెను ఫైనల్ చేసినట్టు తెలుస్తోంది. అలాగే, సూర్య హీరోగా నటించనున్న మరో చిత్రంలోనూ ఆమెను హీరోయిన్గా తీసుకోవాలని చర్చలు జరుగుతున్నాయి. “ప్రేమలు” చిత్రంతో వచ్చిన గుర్తింపు కారణంగా మమితా బైజు దక్షిణాది చిత్ర పరిశ్రమలో సెంటిమెంట్గా మారింది. ముంబై మోడల్స్ కంటే కేరళ కుట్టీలను తీసుకుంటే సినిమాలు హిట్ అవుతాయని గత నాలుగైదు ఏళ్లుగా ఈ సెంటిమెంట్ బాగా పనిచేస్తోంది.
అందంతో పాటు నటనలోనూ మెప్పించగల కేరళ భామలు తెలుగు, తమిళ దర్శకుల నుండి ప్రత్యేక ప్రాధాన్యత పొందుతున్నారు. గ్లామర్తో పాటు నేచురల్ నటనకూ పేరు తెచ్చుకున్న ఈ మోలీవుడ్ బ్యూటీలకు స్టార్ హీరోల సరసన అవకాశాలు లభిస్తున్నాయి. మమితా బైజు కూడా ఈ కోవలోకి చేరి తన కెరీర్ను స్థిరపరుచుకుంటోంది.
సమంత, కీర్తి సురేష్, రష్మిక మందన్న లాంటి నాయికలు బాలీవుడ్కు వెళ్లినట్లు, ఇప్పుడు మమితా బైజు కూడా టాలీవుడ్, కోలీవుడ్ను దాటి హిందీ చిత్ర పరిశ్రమకు ప్రోత్సాహం పొందనుందా అన్న ఉత్కంఠ నెలకొంది. స్టార్ హీరోలతో కలిసి సినిమాలు చేస్తూ దక్షిణాది సినీ ప్రేక్షకులను ఆకట్టుకుంటున్న మమితా, త్వరలోనే బాలీవుడ్కి కూడా ప్రమోట్ అవుతుందనే ఊహాగానాలు వినిపిస్తున్నాయి. ఈవిధంగా మోలు వుడ్ బ్యూటీలకు దక్షిణాది చిత్ర పరిశ్రమలో భారీ క్రేజ్ ఉందని చెప్పుకోవచ్చు.
One thought on “టాలీవుడ్లో మోలీవుడ్ బ్యూటీల హవా – కేరళ కుట్టీలకు స్టార్ హీరోలతో జోడీ ఛాన్స్!”
Comments are closed.