కడప జిల్లా మైలవరం మండలంలో హృదయాన్ని కలిచివేసే ఘటన చోటుచేసుకుంది. నాలుగు సంవత్సరాల చిన్నారిపై లైంగిక దాడి చేసి, అనంతరం ఆమెను హత్య చేసిన దారుణం గ్రామంలో తీవ్ర సంచలనాన్ని రేపింది. ఈ అఘాయిత్యానికి పాల్పడిన నిందితుడిపై గ్రామస్తులు తీవ్ర ఆగ్రహం వ్యక్తం చేశారు.
నిన్న జరిగిన ఈ ఘటనతో మండలవ్యాప్తంగా తీవ్ర కలకలం రేగింది. చిన్నారి ప్రాణాలను అరాచకంగా తీసుకున్న నిందితుడి ఇంటిపై గ్రామస్థులందరూ కలిసి దాడి చేశారు. అతడి నివాసాన్ని పూర్తి స్థాయిలో కూల్చివేశారు. గ్రామ ప్రజలు చేసిన ఈ చర్య సామాజిక మాధ్యమాల్లో చర్చనీయాంశంగా మారింది.
సంఘటితంగా స్పందించిన గ్రామస్థుల తీరును పలువురు ప్రశంసిస్తున్నారు. నిందితుడికి తగిన శిక్ష పడాలని, చిన్నారులకు రక్షణ కలగాలని సామాజిక మాధ్యమాల్లో నెటిజన్లు పిలుపు ఇస్తున్నారు. మరోవైపు పోలీసులు నిందితుడిని అదుపులోకి తీసుకుని విచారణ చేపట్టారు. ఘటనకు సంబంధించి పూర్తి వివరాలు త్వరలో వెల్లడి కానున్నాయి.
Read More : ఛత్తీస్గఢ్ ఎన్కౌంటర్ మృతదేహాలపై హైకోర్టులో పిటిషన్.
One thought on “స్థానికుల ఆగ్రహం భయంకర స్థాయికి చేరింది”
Comments are closed.