సైన్యంతో సంబంధంపై స్పష్టత

పాకిస్థాన్ ఆర్మీ చీఫ్ జనరల్ అసిమ్ మునీర్‌కు ఫీల్డ్ మార్షల్ హోదా కల్పించడంపై పాకిస్థాన్ మాజీ ప్రధానమంత్రి, ప్రస్తుతం జైల్లో ఉన్న ఇమ్రాన్ ఖాన్ తీవ్ర వ్యంగ్యం చేశారు. దేశంలో ప్రస్తుత పరిస్థితులను “ఆటవిక చట్టం”గా విమర్శిస్తూ, జనరల్ మునీర్‌కు ఫీల్డ్ మార్షల్ హోదా ఇచ్చినట్లు కాకుండా, అతనికి ‘రాజు’ అనే బిరుదు ఇవ్వడం మరింత సరి అంటున్నారు. జైలు నుంచి ‘ఎక్స్’ వేదికగా ఆయన తన అభిప్రాయాలను పంచుకున్నారు.

భారత్‌తో ఇటీవల జరిగిన ఘర్షణలో కీలక పాత్ర పోషించినందుకు జనరల్ మునీర్‌కు ఈ హోదా మంగళవారం ప్రకటించారు. పాకిస్థాన్ చరిత్రలో రెండోసారి ఈ గౌరవం లభించడం విశేషం. ఇమ్రాన్ ఖాన్ స్పందిస్తూ, “మాషా అల్లా, జనరల్ మునీర్ ఫీల్డ్ మార్షల్ అయ్యారు. నిజం చెప్పాలంటే, ‘రాజు’ అనే బిరుదు ఇచ్చి ఉంటే ఇంకా బాగుండేది. ఎందుకంటే ప్రస్తుతం దేశంలో ఆటవిక చట్టం నడుస్తోంది, అడవిలో ఒక్కడే రాజు ఉంటుంది” అని సెటైర్ చేశారు.

ఇక, ఇమ్రాన్ ఖాన్ సైన్యంతో ఏదైనా ఒప్పందం జరిగినట్లు ప్రచారాలను స్పష్టం చేశాడు. “ఎలాంటి ఒప్పందం లేదు, చర్చలు కూడా లేవు. ఇవన్నీ నిరాధారమైన అబద్ధాలు” అని ఖండించారు. అయినప్పటికీ, దేశ భవిష్యత్తు, ఐక్యత కోసం సైనిక నాయకత్వంతో చర్చలకు సిద్ధంగా ఉన్నట్టు చెప్పారు. ప్రస్తుతం పాకిస్థాన్ బాహ్య ముప్పులు, పెరుగుతున్న ఉగ్రవాదం, ఆర్థిక సంక్షోభం వంటి సవాళ్లను ఎదుర్కొంటోందని, అందరూ ఏకం కావాల్సిన అవసరం ఉందని జోస్యం చేశారు.

షెహబాజ్ షరీఫ్ ప్రభుత్వంపై ఇమ్రాన్ ఖాన్ కీలక విమర్శలు చేశారు. భారత్ మరోసారి దాడికి సిద్ధంగా ఉన్నందున దేశం ఎల్లప్పుడూ అప్రమత్తంగా ఉండాలని హెచ్చరించారు. దేశంలో ప్రజాస్వామ్య విలువలను అణచివేస్తున్నట్లు, పెద్ద మోసగాళ్లకు పదవులు కేటాయించడం న్యాయ వ్యవస్థను దెబ్బతీస్తోందని అన్నారు. తన సమీపులపై న్యాయవిధానంలో అబద్ధాలున్నట్లు, తన ఆరోగ్య పరిస్థితి, కుటుంబ సభ్యులతో సంపర్కం లేదని ఆవేదన వ్యక్తం చేశారు.

ఇమ్రాన్ ఖాన్ పాకిస్థాన్‌లో గత కొన్ని సంవత్సరాల్లో రాజ్యాంగ వ్యవస్థ, నైతిక విలువలు తీవ్రంగా పతనమైపోయాయని, న్యాయ వ్యవస్థ అన్యాయానికి గురవుతున్నదని విమర్శించారు. జైలు మరియు కోర్టు పరిస్థుతులు తనకు ఎదురయ్యే సమస్యలను వివరించారు.

Read More : ‘మినిట్‌మ్యాన్-3’ పరీక్ష విజయవంతం..