ఆంధ్రప్రదేశ్లో మద్యం ప్రియులకు రాష్ట్ర ప్రభుత్వం శుభవార్త అందించింది. రాష్ట్రవ్యాప్తంగా బార్ల సమయాలను పొడిగిస్తూ కొత్త బార్ పాలసీని అమలు చేసింది. తాజా నిర్ణయం ప్రకారం ఇకపై బార్లు ఉదయం 10 గంటల నుంచి అర్ధరాత్రి 12 గంటల వరకు తెరిచి ఉంటాయి. ఈ మేరకు ప్రభుత్వం అధికారిక ఉత్తర్వులు జారీ చేసింది.
ఇప్పటివరకు రాష్ట్రంలో బార్లు ఉదయం 11 గంటల నుంచి రాత్రి 11 గంటల వరకు మాత్రమే పనిచేసేవి. కానీ, కొత్త పాలసీతో బార్ల సమయం రోజుకు రెండు గంటలు పెరిగింది. అంటే, బార్లు గంట ముందే ఉదయం 10 గంటలకు ప్రారంభమై, మరో గంట ఆలస్యంగా అర్ధరాత్రి 12 గంటలకు మూసివేయబడతాయి.
ప్రొహిబిషన్ అండ్ ఎక్సైజ్ శాఖ డైరెక్టర్ నిశాంత్ కుమార్ తెలిపిన ప్రకారం, ఈ కొత్త పాలసీ సెప్టెంబర్ 1 నుంచి అమల్లోకి వచ్చింది. రాబోయే మూడు సంవత్సరాల పాటు, అంటే 2028 వరకు ఈ విధానం కొనసాగనుంది. అంతేకాకుండా, రాష్ట్రంలోని మద్యం దుకాణాల్లో 10 శాతం కల్లు గీత కులాలకు కేటాయించాలని ప్రభుత్వం నిర్ణయించినట్లు కూడా వెల్లడించారు.
Read More : డిప్యూటీ సీఎం కు ప్రధాని మోదీ బర్త్డే విషెస్
