హైదరాబాద్ నగరంలో ప్రసిద్ధి చెందిన తాజ్ బంజారా హోటల్కు జీహెచ్ఎంసీ అధికారులు కఠిన నిర్ణయం తీసుకున్నారు. గత రెండేళ్లుగా పన్ను చెల్లించకపోవడంతో శుక్రవారం ఉదయం హోటల్ను సీజ్ చేశారు. హోటల్ యాజమాన్యానికి పన్ను చెల్లించాల్సిందిగా పలు మార్లు నోటీసులు జారీ చేసినప్పటికీ, వారు స్పందించకపోవడంతో అధికారులు ఈ నిర్ణయం తీసుకున్నారు.
జీహెచ్ఎంసీ ప్రకారం, హోటల్ యాజమాన్యం మొత్తం రూ. 1.47 కోట్లు బకాయిలుగా ఉంచింది. పన్ను చెల్లించేందుకు ఇప్పటివరకు ఐదు నోటీసులు పంపినప్పటికీ, హోటల్ యాజమాన్యం స్పందించకపోవడంతో చివరికి హోటల్ను సీజ్ చేయాల్సి వచ్చింది.
ప్రసిద్ధి చెందిన హోటల్పై అధికారుల చర్య
హైదరాబాద్లో అత్యంత ప్రసిద్ధిగాంచిన తాజ్ బంజారా హోటల్ సెలబ్రిటీలకు, రాజకీయ నేతలకు ప్రత్యేక ఆకర్షణగా ఉంటుంది. ముఖ్యంగా క్రికెటర్లు, సినీ ప్రముఖులు, రాజకీయనేతలు హైదరాబాద్కు వచ్చినప్పుడు ఎక్కువగా ఇక్కడే బస చేస్తారు. అలాగే, పలు వ్యాపార సమావేశాలు, పార్టీ మీటింగ్లకు కూడా ఈ హోటల్ అనుకూలంగా ఉంటుంది.
అటువంటి హోటల్ను జీహెచ్ఎంసీ అధికారులు సీజ్ చేయడం నగరంలో చర్చనీయాంశంగా మారింది. హోటల్ యాజమాన్యం పన్ను సమస్యను ఎలా పరిష్కరిస్తుందో చూడాలి.
One thought on “హైదరాబాద్ తాజ్ బంజారా హోటల్కు జీహెచ్ఎంసీ షాక్”
Comments are closed.