కోలీవుడ్ స్టార్ హీరో అజిత్ కుమార్ మరోసారి వార్తల్లో నిలిచారు. సినిమాల్లో యాక్షన్ కింగ్గా దూసుకెళ్లే ఆయన, నిజ జీవితంలో కూడా స్పీడ్ పట్ల తన క్రేజ్ను మరోసారి రుజువు చేశారు. తాజాగా రేస్ ట్రాక్పై కారును గంటకు 232 కిలోమీటర్ల వేగంతో నడిపిన వీడియో సోషల్ మీడియాలో వైరల్గా మారింది. వీడియోలో అజిత్ ఓ ఆడి కారులో స్పీడోమీటర్పై 232 అంకెను తాకేలా దూసుకెళ్లడం స్పష్టంగా కనిపిస్తోంది. విదేశాల్లోని ప్రొఫెషనల్ రేసింగ్ సర్క్యూట్లో ఈ వీడియో చిత్రీకరించినట్లు సమాచారం. దీనిపై అభిమానులు ఆశ్చర్యపోతూ, “ఇదే అజిత్ అసలు ప్యాషన్” అంటూ కామెంట్లు పెడుతున్నారు.
అజిత్ కేవలం నటుడే కాదు, ప్రొఫెషనల్ కార్ మరియు బైక్ రేసర్ కూడా. ఆయన స్వంతంగా రేసింగ్ టీమ్ను ఏర్పాటు చేసుకుని, ఎన్నో అంతర్జాతీయ పోటీల్లో పాల్గొన్నారు. పలుమార్లు విజయాలు సాధించి తన ప్రతిభను చాటుకున్నారు.
రేసింగ్ పట్ల ఉన్న ఈ ఆసక్తి కారణంగా గతంలో అజిత్ తీవ్ర ప్రమాదాలకు గురై శస్త్రచికిత్సలు చేయించుకున్నా, తన ప్యాషన్ను మాత్రం ఎప్పుడూ వదలలేదు. షూటింగ్లకు విరామం లభించినప్పుడల్లా రేస్ ట్రాక్లో తన స్పీడ్ క్రేజ్ను కొనసాగిస్తూనే ఉన్నారు.
ఈ తాజా వీడియో ఆయనకు రేసింగ్ అంటే ఉన్న అంకితభావానికి నిదర్శనమని అభిమానులు అభిప్రాయపడుతున్నారు.
Read More : మనీషా కోయిరాలా ఓపెన్ టాక్
