జేఈఈ (జాయింట్ ఎంట్రన్స్ ఎగ్జామ్) పరీక్షలో అర్హత పొందలేదన్న మనస్తాపంతో ఓ విద్యార్థి ఆత్మహత్య చేసుకున్న ఘటన నగరంలో కలకలం రేపుతోంది. ఈ ఘటన మీరపేట పోలీస్ స్టేషన్ పరిధిలోని విక్టోరియా మెమోరియల్ మెట్రో స్టేషన్ వద్ద చోటుచేసుకుంది. 17 ఏళ్ల హర్షిత్ అనే విద్యార్థి ఇటీవల జేఈఈ ఫలితాల్లో అనుకూల ఫలితం పొందకపోవడంతో తీవ్ర మనోవేదనలో ఉన్నాడు. మానసికంగా బాగా స్థిమితం కాకపోవడంతో డిప్రెషన్లోకి వెళ్లిన అతడు, తట్టుకోలేని స్థితికి చేరుకున్నాడు. శుక్రవారం (జూన్ 28) ఉదయం హర్షిత్ “కోచింగ్కు వెళ్తున్నాను” అని తల్లిదండ్రులకు చెప్పి ఇంటినుంచి బయలుదేరాడు. అనంతరం సాయంత్రం సమయంలో తల్లికి ఫోన్ చేసి, “డిప్రెషన్లో ఉన్నాను.. తట్టుకోలేకపోతున్నాను” అని తెలిపాడు. ఆ తర్వాత విక్టోరియా మెమోరియల్ మెట్రో స్టేషన్పై నుంచి దూకి తన జీవితాన్ని ముగించుకున్నాడు.
ఈ ఘటనపై మీరపేట పోలీసులు కేసు నమోదు చేసి దర్యాప్తు ప్రారంభించారు. హర్షిత్ మృతదేహాన్ని పోస్ట్మార్టం కోసం ఆసుపత్రికి తరలించారు. ఘటనతో కుటుంబ సభ్యులు కన్నీరు మున్నీరవుతున్నారు.
విద్యా ఒత్తిడితో విద్యార్థులలో పెరుగుతున్న మానసిక ఆందోళనపై ఇది మరో తీవ్ర హెచ్చరికగా భావిస్తున్నారు నిపుణులు.
Read More : మంత్రి సీతక్క స్పందన: “ఆదివాసీల పక్షమే నా పక్షం”
One thought on “జేఈఈలో అర్హత సాధించలేదన్న మనస్తాపంతో విద్యార్థి ఆత్మహత్య”
Comments are closed.