ఆంధ్రప్రదేశ్లో మహిళల అభ్యున్నతికి తన ప్రభుత్వం సంకల్పంతో పని చేసిందని మాజీ ముఖ్యమంత్రి వైఎస్ జగన్ వ్యాఖ్యానించారు. మహిళలు తమ కాళ్లపై తాము నిలబడేలా ప్రోత్సాహం ఇచ్చిన ప్రభుత్వంగా తమదేనని ఆయన అన్నారు. నామినేటెడ్ పదవుల్లో మహిళలకు 50 శాతం రిజర్వేషన్ కల్పించామని, ఇందుకోసం ప్రత్యేక చట్టం తీసుకొచ్చి అమలు చేశామని వివరించారు. అలాగే రాష్ట్రవ్యాప్తంగా 32 లక్షల పేద మహిళలకు వారి పేర్లపై ఇళ్ల పట్టాలు ఇచ్చామని, అందులో 22 లక్షల ఇళ్లకు అనుమతులు మంజూరు చేసి, 10 లక్షల ఇళ్ల నిర్మాణం పూర్తిచేసి కట్టగట్టామని చెప్పారు.
“మహిళల పట్ల చంద్రబాబుకు గౌరవముందా?”
మహిళలపై సీఎం చంద్రబాబు హయాంలో జరిగిన ఘటనలను గుర్తుచేస్తూ జగన్ తీవ్రంగా స్పందించారు. రామగిరి మండలం ఏడుగుర్రాలపల్లిలో దళిత బాలికపై జరిగిన సామూహిక అత్యాచార ఘటనను ఉదహరిస్తూ, బాధిత కుటుంబాన్ని బెదిరించి ఫిర్యాదు కూడా ఇవ్వనివ్వలేదని ఆరోపించారు. బాధిత బాలిక గర్భవతి కావడంతో విషయం వెలుగులోకి వచ్చిందని అన్నారు. చంద్రబాబు ఈ ఘటనపై మౌనం పాటించారని విమర్శించారు.
ఇంకొక ఘటనలో, గిరిజన బాలిక కనిపించకుండా పోయినా ఫిర్యాదు చేయడంతో పోలీసులు పట్టించుకోలేదని, చివరికి ఆమె మృతదేహంగా కనిపించిందని చెప్పారు. చంద్రబాబు సొంత నియోజకవర్గమైన కుప్పంలో అప్పు ఇవ్వలేదన్న కారణంతో ఓ మహిళను చెట్టుకు కట్టి దాడి చేశారని గుర్తుచేశారు. ఈ ఘటనపై ఫోటోలు, వీడియోలు వైరల్ అయిన తర్వాత మాత్రమే చంద్రబాబు స్పందించారని జగన్ ఆరోపించారు.
ఈ సంఘటనలన్నింటినీ ప్రస్తావిస్తూ జగన్ మాట్లాడుతూ… “మహిళల పట్ల గౌరవం ఎవరిలో ఉందో, మహిళల పక్షాన నిలిచింది ఎవరో ప్రజలే తీర్మానించాలి” అని అన్నారు. తాము చేసిన అభివృద్ధి, మహిళల అండగా నిలిచిన విధానం, మరియు మహిళా సంక్షేమం పట్ల తీసుకున్న చర్యలు తమ ప్రభుత్వ తీరుని వెల్లడిస్తున్నాయని స్పష్టం చేశారు.
Read More : బెట్టింగ్ బాధితులపై జగన్ పరామర్శ ఏంటని ప్రశ్న
One thought on “మహిళల పక్షాన మా ప్రభుత్వమే నిలిచింది: వైఎస్ జగన్”
Comments are closed.