ప్రైవేట్ వాహనాలకు ఫాస్టాగ్ వార్షిక పాస్

దేశవ్యాప్తంగా టోల్ గేట్ల వద్ద వాహనదారులకు మరింత సౌలభ్యం కల్పించేందుకు కేంద్ర ప్రభుత్వం కొత్త నిర్ణయం తీసుకుంది. రోడ్ల రవాణా శాఖ (MoRTH) ఆధ్వర్యంలో ప్రైవేట్ వాహనాల కోసం రూ.3,000 చెల్లిస్తే ప్రత్యేక ఫాస్టాగ్ వార్షిక పాస్‌ను అందుబాటులోకి తెస్తోంది.

ఈ పాస్‌ ద్వారా ఏడాది పాటు లేదా 200 సార్లు ప్రయాణించే అవకాశం లభిస్తుంది. టోల్ చెల్లింపులను మరింత సులభతరం చేయాలనే ఉద్దేశంతో ఈ స్కీమ్‌ అమలులోకి తేనున్నట్లు అధికారులు వెల్లడించారు.

ఈ ఫాస్టాగ్ పాస్‌ ఆగస్టు 15 నుంచి లభ్యం కానుంది. యాక్టివేషన్ మరియు రిన్యూవల్ ప్రక్రియను “రాజ్‌మార్గ్ యాత్ర” యాప్‌తో పాటు, రోడ్లు-రవాణా మంత్రిత్వ శాఖ (MoRTH) మరియు జాతీయ రహదారి ప్రాధికార సంస్థ (NHAI) అధికారిక వెబ్‌సైట్ల ద్వారా పూర్తి చేయొచ్చు.

ఈ కొత్త పాస్‌తో టోల్ గేట్ల వద్ద సమయం వృథా కాకుండా ప్రయాణం మరింత వేగంగా సాగుతుందని కేంద్రం ఆశిస్తోంది.

Read More : శుభాన్షు శుక్లా అంతరిక్ష యాత్ర మరోసారి వాయిదా