అమెరికా అధ్యక్షుడు డొనాల్డ్ ట్రంప్ ఈ వారం చేపట్టనున్న మధ్యప్రాచ్య పర్యటనలో ఓ అరుదైన, ఖరీదైన కానుకను అందుకోనున్నట్లు సమాచారం. ఖతార్ పాలక కుటుంబం, ట్రంప్కు అత్యంత విలాసవంతమైన బోయింగ్ 747-8 జంబో జెట్ను బహూకరించనున్నట్టు విశ్వసనీయ వర్గాలు వెల్లడించాయి. ట్రంప్ తన పర్యటనలో భాగంగా ఖతార్ను సందర్శించినప్పుడు ఈ భారీ బహుమతిని అధికారికంగా ప్రకటించే అవకాశం ఉందని తెలుస్తోంది.
ఈ వార్తలు నిజమైతే, అమెరికా అధికారులు ఈ విమానానికి ‘ఎయిర్ఫోర్స్ వన్’కు అనుగుణంగా అవసరమైన మార్పులు, చేర్పులు చేస్తారని చెబుతున్నారు. తద్వారా, ట్రంప్ తన పదవీకాలం ముగిసే 2029 జనవరి వరకు ఈ విమానాన్ని కొత్త వెర్షన్గా ఉపయోగించుకునే అవకాశం ఉందని అంచనా వహిస్తున్నారు.
అయితే, ఒక విదేశీ ప్రభుత్వం నుంచి ఇంత విలువైన కానుకను స్వీకరించడం, దాని చట్టబద్ధతపై అమెరికా అధికారులు ప్రస్తుతం కసరత్తు చేస్తున్నారు. ఈ బహుమతి స్వీకరించే నిబంధనలను వారు సీరియస్గా పరిశీలిస్తున్నారని సమాచారం. కాగా, ఖతార్ ప్రభుత్వం నుంచి ఇప్పటివరకు ఈ విషయంలో ఎటువంటి అధికారిక ప్రకటన వెలువడలేదు.
ఈ విషయంపై స్పష్టత వచ్చే వరకు, ట్రంప్ మధ్యప్రాచ్య పర్యటన పూర్తి కావడంతో పాటు, ఈ కానుకపై ఆసక్తి కొనసాగిపోతుందని అనిపిస్తోంది.
Read More : ఆఫ్గాన్ : “భూభాగం నుండి దాడులు జరగలేదు”
One thought on “ట్రంప్కు ఖతార్ నుంచి విలాసవంతమైన బోయింగ్ జెట్ కానుక”
Comments are closed.