బాలీవుడ్ నటి సోనాల్ చౌహాన్ ఇటీవల ఒక ఇంటర్వ్యూలో విరాట్ కోహ్లీ మార్పుకు అనుష్క శర్మ కారణమని సంచలన వ్యాఖ్యలు చేసింది. మొదట్లో కోహ్లీ తన ఆగ్రహంతో ప్రఖ్యాతి గాంచాడని, కానీ అనుష్క ప్రవేశం తర్వాత అతడిలో ఆధ్యాత్మికత పెరిగిందని సోనాల్ పేర్కొన్నారు. సరైన వ్యక్తి జీవితంలో వచ్చినప్పుడు వ్యక్తిత్వంలో సానుకూల మార్పులు సంభవిస్తాయని ఆమె అభిప్రాయపడింది.
సోనాల్ మాట్లాడుతూ, ఇప్పుడు విరాట్ ధార్మికతను స్వీకరించి, మరింత నిశ్చలంగా, శాంతియుతంగా మారాడని పేర్కొన్నారు. విరాట్ను కలిస్తే “జై శ్రీరాం, హర్ హర్ మహాదేవ్” అని పలుకుతానని, ఎందుకంటే అతడు ఇప్పుడొక ఆధ్యాత్మిక ప్రయాణంలో ఉన్నాడని తెలిపింది. కోహ్లీ ప్రారంభ దశలో ఆధ్యాత్మికతకు దూరంగా ఉన్నప్పటికీ, అనుష్క ప్రభావంతో అతడి జీవనశైలిలో గొప్పగా మార్పులు వచ్చాయని వెల్లడించింది.
విరాట్ కోహ్లీ, అనుష్క శర్మ 2017లో పెళ్లి తర్వాత కలిసి ఆధ్యాత్మిక మార్గాన్ని అవలంబించారు. వీరు నీమ్ కరోలి బాబా ఆశ్రమం సహా పలు ప్రముఖ ఆధ్యాత్మిక కేంద్రాలను సందర్శించారు. ప్రస్తుతం వారు తమ పిల్లలైన వామికా, అకాయ్లతో కలిసి మతపరమైన కార్యక్రమాల్లో పాల్గొంటూ అభిమానులను ఆకర్షిస్తున్నారు. హనుమంతునిపై విరాట్ గాఢమైన భక్తి పెంచుకున్నట్టు తెలుస్తోంది.
One thought on “విరాట్ కోహ్లి ఆధ్యాత్మిక మార్పుకు కారణం అనుష్క శర్మ : సోనాల్ చౌహాన్”
Comments are closed.