కోలీవుడ్ స్టార్ హీరో సూర్య సినిమాలపై ఆయన సతీమణి జ్యోతిక ప్రత్యేక శ్రద్ధ వహిస్తూ వస్తున్నారు. ఒకప్పటి టాప్ హీరోయిన్ అయిన జ్యోతిక, పెళ్లి తర్వాత సినిమాలకు విరామం ఇచ్చి మళ్లీ రీ ఎంట్రీ ఇచ్చింది. ప్రస్తుతం సూర్యతో కలిసి 2డి ఎంటర్టైన్మెంట్స్ బ్యానర్ పనులను ఆమె సమన్వయంగా చూస్తోంది.
టాక్ ప్రకారం, సూర్యతో చేసే చిత్రాల్లో హీరోయిన్ సెలక్షన్లో జ్యోతిక సలహాలు కూడా ఉంటాయట. ‘కంగువ’ సినిమాలో హీరోయిన్గా దిశా పటానిని జ్యోతికనే రిఫర్ చేసిందట. పాన్ ఇండియా ప్రాజెక్ట్ కావడంతో దిశా ఫిట్ అవుతుందని ఆమె సూచించిందని సమాచారం.
అదేవిధంగా, సూర్య నటిస్తూ నిర్మిస్తున్న రెట్రో సినిమాకి కూడా జ్యోతిక కొన్ని సూచనలు ఇచ్చిందట. ప్రత్యేక గీతంలో శ్రీయను తీసుకోవాలని ఆమె చెప్పిందని తెలుస్తోంది. పూజా హెగ్దే ఈ సినిమాలో డీ-గ్లామరస్ లుక్లో కనిపించనుండగా, శ్రీయ పాట వింటేజ్ లుక్తో ప్రత్యేక ఆకర్షణగా నిలవనుందని టాక్.
ఈ సినిమాలో మరో విశేషం ఏమిటంటే, సూర్య ఒక తమిళ పాటను స్వయంగా పాడారని మ్యూజిక్ డైరెక్టర్ సంతోష్ నారాయణ తెలిపారు. కార్తీక్ సుబ్బరాజ్ దర్శకత్వంలో తెరకెక్కిన ఈ రెట్రో మూవీపై భారీ అంచనాలు నెలకొన్నాయి. ట్రైలర్కు మంచి స్పందన రావడంతో సూర్య ఆశలు నిజమవుతాయో లేదో చూడాల్సి ఉంది.
One thought on “జ్యోతిక చేతుల్లో సూర్య సినిమాల హీరోయిన్స్ ఎంపిక?”
Comments are closed.