“టెట్” ఫీజు భారీగా పెరిగిన విషయం: నిరుద్యోగుల ఆవేదన

తెలంగాణలో “TET ” (తెలంగాణ ఎలిమెంటరీ టీచర్ ఎలిజిబిలిటీ టెస్ట్) ఫీజు భారీగా పెరిగింది. కాంగ్రెస్ పార్టీ ఇటీవల హామీ ఇచ్చినప్పటికీ, తాజాగా టెట్ ఫీజు రూ.440 నుండి రూ.1000కు పెరిగింది. ఈ పెంపుదలపై నిరుద్యోగులు ఆవేదన వ్యక్తం చేస్తున్నారు, ఈ పెంపుదలతో అనేక మంది పరీక్ష రాయడానికి వెనకడుగు వేస్తున్నారని చెప్పారు.

విద్యాశాఖ అధికారులు, ఆన్‌లైన్‌లో పరీక్ష నిర్వహిస్తున్నందున ఫీజు తగ్గించడం కుదరదని వివరణ ఇచ్చారు. అయితే, గత బీఆర్ఎస్ ప్రభుత్వంలో 2011 నుండి 2017 వరకు టెట్ ఫీజు రూ.200 మాత్రమే ఉండగా, 2021లో రూ.300, 2023లో రూ.440కు పెరిగింది.

కాంగ్రెస్ పార్టీ ఎన్నికల ముందు ప్రకటించిన హామీ ప్రకారం, తాము అధికారంలోకి వచ్చాక టెట్ ఫీజును తగ్గించి ఉచితంగా పరీక్షలు నిర్వహిస్తామని చెప్పినప్పటికీ, ఇప్పుడు కొత్తగా అధికారంలోకి వచ్చిన రేవంత్ సర్కార్ టెట్ ఫీజును రూ.1000 కి పెంచింది.

రాష్ట్రవ్యాప్తంగా సుమారు 2.5 లక్షల మంది నిరుద్యోగులు టెట్ పరీక్ష రాస్తున్నారు. ఈ నిర్ణయం వల్ల వారు తీవ్ర ఆవేదనలో ఉన్నారు. అధికారంలోకి వచ్చిన కాంగ్రెస్ పార్టీ, తమ హామీని అమలు చేసి, టెట్ ఫీజును వెంటనే తగ్గించాలని నిరుద్యోగులు డిమాండ్ చేస్తున్నారు.