వీర ధీర శూర రివ్యూ: విక్రమ్ నటన పీక్స్.. కథలో గందరగోళం!

నటీనటులు: విక్రమ్, దుషారా విజయన్, ఎస్.జె. సూర్య, సూరజ్, పృథ్వీ
సంగీతం: జి.వి. ప్రకాష్ కుమార్
ఛాయాగ్రహణం: తేని ఈశ్వర్
నిర్మాత: రియా షిబు
రచన-దర్శకత్వం: ఎస్.యు. అరుణ్ కుమార్

కథ:
వీరధీర శూర కథ కాళి (విక్రమ్) అనే సాధారణ మధ్య తరగతి వ్యక్తి చుట్టూ తిరుగుతుంది. కిరాణా దుకాణం నడుపుకుంటూ తన భార్య (దుషారా విజయన్), ఇద్దరు పిల్లలతో ఆనందంగా జీవిస్తున్న అతనికి ఒక రోజు రాత్రి అనుకోని సంఘటనలు ఎదురవుతాయి. అతని మాజీ యజమాని రవి (పృథ్వీ) తన కొడుకు కన్నా (సూరజ్)ను ఎస్పీ నుంచి కాపాడాలని కాళిని అభ్యర్థిస్తాడు. కానీ, ఈ పనిని కాళినే చేయాలని రవికి ఉన్న కారణం, కాళి గతంలో జరిగిన భయానక సంఘటనకు సంబంధించింది. పది సంవత్సరాల క్రితం కాళి జీవితంలో ఏం జరిగింది? ఇప్పుడు అతను పాత అవతారంలోకి ఎందుకు మళ్లీ వస్తాడు? అనేదే మిగతా కథ.

విశ్లేషణ:
విక్రమ్ యొక్క “వీర ధీర శూర” సినిమాలో నటన అద్భుతం. సాధారణ వ్యక్తిగా కనిపిస్తూ, అవసరమైనప్పుడు విరుచుకుపడే పాత్రలో విక్రమ్ మెప్పించాడు. ముఖ్యంగా చివరి అరగంటలో అతని ప్రదర్శన అభిమానులను ఉర్రూతలూగించింది.

అయితే, కథా కథనంలో స్పష్టత లేకపోవడం పెద్ద మైనస్. హీరో పాత్రలోని గతం, ప్రస్తుత పరిణామాలు మధ్య గందరగోళం కనిపిస్తుంది. ముఖ్యంగా, కథలో కీలకమైన సంఘటనలను క్లారిటీగా చూపించకపోవడం సినిమా ఆసక్తిని తగ్గించింది. ఎన్నో ప్రశ్నలు సమాధానం లేని విధంగా మిగిలిపోయాయి. “పార్ట్-2” పేరుతో రిలీజ్ చేసిన ఈ చిత్రానికి, ముందు భాగం (పార్ట్-1) చూస్తే మాత్రమే పూర్తి కథ అర్థమవుతుందన్న సూచన దర్శకుడు ఇచ్చినట్టుగా కనిపిస్తుంది.

సాంకేతిక వర్గం:
జి.వి. ప్రకాష్ కుమార్ బ్యాక్‌గ్రౌండ్ స్కోర్ సినిమాకు ప్రధాన బలం. ముఖ్యంగా పతాక సన్నివేశాల్లో సంగీతం ఇన్ఫెన్సిటీని మరింత పెంచింది. తేని ఈశ్వర్ ఛాయాగ్రహణం మంచి విజువల్స్ అందించింది.

నటీనటులు:
విక్రమ్ నటన పీక్స్ లో ఉంది. అతని పాత్రను సంపూర్ణంగా ఒదిగిపోయాడు. దుషారా విజయన్ పాత్రకు తగిన న్యాయం చేసింది. ఎస్.జె. సూర్య పాత్రకు ఎక్కువ ప్రాధాన్యం లేకపోవడం నిరాశ పరిచింది. పృథ్వీ, సూరజ్ తమ పాత్రల్లో ఆకట్టుకున్నారు.

తుదిసారిగా:
“వీర ధీర శూర” ఒక మిశ్రమ అనుభూతిని కలిగించే చిత్రం. కొన్ని సన్నివేశాలు అద్భుతంగా ఉన్నా, కథా నిర్దేశంలో స్పష్టత లేకపోవడం, పూర్తిస్థాయి సంతృప్తిని అందించలేదు. విక్రమ్ అభినయం, చివరి అరగంట మాత్రమే సినిమాను నిలబెట్టాయి.

రేటింగ్: ⭐⭐⭐ (2.25/5)

Read More