పవన్ కళ్యాణ్ ఫ్యాన్స్ ఎంతో ఆసక్తిగా ఎదురుచూస్తున్న సినిమా “ఓజి” (OG). ఈ సినిమా పేరు సర్వత్రా చర్చలో ఉన్నప్పటికీ, పవన్ ఫ్యాన్స్ దాని గురించి రోజుకు ఒకసారైనా ఆలోచించకుండా నిద్రపోరు అనుకోవడం ఆశ్చర్యపోదు. సుజిత్ దర్శకత్వంలో డివివి ఎంటర్టైన్మెంట్స్ నిర్మిస్తున్న ఈ గ్యాంగ్ స్టర్ డ్రామాపై భారీ అంచనాలు ఏర్పడ్డాయి. పవన్ కళ్యాణ్ నటిస్తున్న సినిమాల్లో ముందు “హరిహర వీరమల్లు” రిలీజ్ కావాల్సి ఉండగా, ఫ్యాన్స్ మాత్రం “ఓజి”నే ముందుగా విడుదల కావాలని డిమాండ్ చేస్తున్నారు.
జనవరి లేదా ఫిబ్రవరిలో “ఓజి” విడుదల కావాలని నిర్మాతలు, దర్శకులు ప్రణాళికలు సిద్ధం చేస్తున్నారు. అయితే ఈ సినిమాలో ఓ కీలక క్యామియో పాత్ర ఉంటుందని, ఆ పాత్ర కోసం ప్రభాస్ లేదా నాని నటించబోతున్నారని గత రెండు మూడు రోజులుగా చర్చలు జరుగుతున్నాయి. కానీ అసలు ట్విస్ట్ ఏమిటంటే, ఆ క్యామియో చేయబోయే వారు ప్రభాస్ లేదా నాని కాదు.
ఈ క్యామియోలో పవన్ కళ్యాణ్తో తొలిసారి గ్లోబల్ స్టార్ రామ్ చరణ్ కలిసి నటించబోతున్నాడని సమాచారం. కొద్ది నెలల క్రితం ఈ చర్చలన్నీ జరిగాయి, తక్కువ డేట్స్ ఉన్న రామ్ చరణ్, అవసరమైనప్పుడు సుజిత్కు హామీ ఇచ్చాడని, అందుకు అనుగుణంగా త్వరలోనే ఈ భాగం షూట్ చేయనున్నట్లు తెలుస్తోంది. అధికారిక ప్రకటన ఇంకా రాలేదు కానీ ఈ వార్త నిజం అయితే, మెగా ఫ్యాన్స్కు పూనకాలు ఖాయం.
