అమితాబ్ బచ్చన్ విలాసవంతమైన డ్యూప్లెక్స్‌ను రూ.83 కోట్లకు విక్రయించారు

అమితాబ్ బచ్చన్: విలాసవంతమైన డ్యూప్లెక్స్‌ను అమ్మేశారు

బాలీవుడ్ స్టార్ అమితాబ్ బచ్చన్ (Amitabh Bachchan) విలాసవంతమైన డ్యూప్లెక్స్ ప్లాట్‌ను అమ్మేశారు. ముంబయిలోని అంధేరిలో ఉన్న ఈ ఖరీదైన ఫ్లాట్ విలువ దాదాపు రూ.83 కోట్లు ఉంటుందని సమాచారం. బిగ్‌బీ ఈ ఇంటిని ఏప్రిల్ 2021లో రూ. 31 కోట్లకు కొనుగోలు చేశారు. ఈ నెల 17న ఈ ప్లాట్‌ను విక్రయించారు. 5 వేల చదరపు అడుగుల విస్తీర్ణంలో ఉన్న ఈ అపార్ట్‌మెంట్‌లో ఆరు కార్లు పార్కింగ్ చేయగల సౌకర్యం ఉంది.

ఈ లగ్జరీ ఫ్లాట్‌ను విజయ్ సింగ్ ఠాకూర్, కమల్ విజయ్ ఠాకూర్ కొనుగోలు చేసినట్లు తెలుస్తోంది. బచ్చన్ ఈ ఇంటిని కొనుగోలు చేసినప్పటికీ, ఇప్పటికీ దాని విలువ 168 శాతం పెరిగింది. బిల్డింగ్ రిజిస్ట్రేషన్ స్టాంప్ డ్యూటీకి రూ.4.98 కోట్లు, రిజిస్ట్రేషన్ ఫీ రూ.30,000 అయ్యింది. నవంబర్ 2021లో, బచ్చన్ ఈ ప్లాట్‌ను నటి కృతి సనన్‌కు నెలకు 10 లక్షల అద్దెకు ఇచ్చారు, దీని సెక్యూరిటీ డిపాజిట్ రూ. 60 లక్షలు.

అమితాబ్ బచ్చన్ కుటుంబం గత నాలుగేళ్లలో రియల్ ఎస్టేట్‌లో దాదాపు రూ.200 కోట్ల పెట్టుబడి పెట్టినట్లు తెలిసింది. గతంలో, ఆయన కుమారుడు అభిషేక్ బచ్చన్ ముంబయిలో ఒకే అంతస్తులో నాలుగు పెద్ద ఫ్లాట్లను కొనుగోలు చేశారు. ముఖ్యంగా, గతేడాది రూ.100 కోట్లు రియల్ ఎస్టేట్‌లో పెట్టుబడి పెట్టినట్లు సమాచారం.

సినిమాల విషయానికి వస్తే, అమితాబ్ బచ్చన్ ఇటీవల ప్రభాస్ నటించిన “కల్కి 2898 ఏ.డి” చిత్రంలో కనిపించారు. అలాగే, “కౌన్ బనేగా కరోడ్‌పతి” రియాలిటీ షోకు హోస్ట్‌గా కూడా వ్యవహరిస్తున్నారు.

ఈ వార్త కూడా చదవండి

^{Subscribe to our YouTube channel}