గెలాక్సీ S25 ఎడ్జ్ మే 13న లాంచ్ కానుందా?

సామ్‌సంగ్ తన ఫ్లాగ్‌షిప్‌ సిరీస్‌లో ఇప్పటివరకు లాంచ్ చేసిన ఫోన్లలోనే అత్యంత పలుచని డిజైన్‌తో గెలాక్సీ S25 ఎడ్జ్‌ను త్వరలోనే విడుదల చేయనుందన్న వార్తలు హల్‌చల్ చేస్తున్నాయి. ప్రముఖ లీక్‌స్టర్ ఇవాన్ బ్లాస్ పంచిన తాజా టీజర్‌లో “బియాండ్ స్లిమ్” అనే ట్యాగ్‌లైన్‌తో ఫోన్ షాడో రూపంలో కనిపిస్తోంది. దీని ఆధారంగా మే 13న ఈ స్మార్ట్‌ఫోన్ ఆవిష్కరణ జరగొచ్చని ఊహిస్తున్నారు.

గెలాక్సీ S25 ఎడ్జ్ డిజైన్ ప్రత్యేకతలు

ఈ ఫోన్‌ను గతంలో గెలాక్సీ S25 లైనప్‌లో భాగంగా ప్రకటించిన సామ్‌సంగ్, తరువాత MWC 2025లో అధికారికంగా ప్రదర్శించింది. 5.84 మిల్లీమీటర్ల టైటానియం ఫ్రేమ్‌తో దీని డిజైన్ ఆకట్టుకుంటోంది. దీని స్లిమ్ డిజైన్, డ్యూయల్ కెమెరా సెటప్ దృష్టిని ఆకర్షిస్తున్నాయి.

ఈ ఫోన్ మూడు రంగుల్లో అందుబాటులోకి రానుంది:

• టైటానియం ఐసీ బ్లూ
• టైటానియం జెట్ బ్లాక్
• టైటానియం సిల్వర్

గెలాక్సీ S25 ఎడ్జ్ స్పెసిఫికేషన్లు (లీక్ ఆధారంగా)

• ప్రాసెసర్: స్నాప్‌డ్రాగన్ 8 ఎలైట్ చిప్‌సెట్
• రామ్: 12GB
• బ్యాటరీ: 4,000mAh
• కెమెరా: 200MP రియర్ కెమెరా, 12MP సెల్ఫీ కెమెరా
• టెలిఫోటో లెన్స్ అందులో ఉండకపోవచ్చని సమాచారం

ధర వివరాలు (అంచనా)

• 256GB వేరియంట్: సుమారు EUR 1,362 (రూ. 1,30,500)
• 512GB వేరియంట్: సుమారు EUR 1,488 (రూ. 1,42,600)
• భారత మార్కెట్లో ధరలు రూ. 1,13,000 నుంచి రూ. 1,31,000 మధ్య ఉండొచ్చని అంచనా

ఫోన్ విడుదలపై సామ్‌సంగ్ అధికారికంగా తేదీ ప్రకటించకపోయినా, లీక్‌ల ప్రకారం మే 13న ఇది ఆవిష్కృతం అయ్యే అవకాశముందని భావిస్తున్నారు. అత్యంత పలుచగా, స్టైలిష్‌గా ఉండే ఈ ఫోన్‌పై యువతలో ఆసక్తి పెరుగుతోంది.

Read More : చైనా శాంఘైలో గోల్డ్‌ ఏటీఎం..