బెంగళూరు సెషన్స్ కోర్టులో మరోసారి ఎదురు దెబ్బ.. రన్యా రావు బెయిల్ తిరస్కరణ

బెంగళూరు (Bengaluru)లో చోటుచేసుకున్న బంగారం స్మగ్లింగ్ (Gold Smuggling) కేసులో నిందితురాలిగా ఉన్న రన్యా రావు (Ranya Rao)కు మరోసారి ఎదురుదెబ్బ తగిలింది. బెంగళూరు సెషన్స్ కోర్టు (Sessions Court) ఆమె బెయిల్ (Bail) పిటిషన్‌ను మూడోసారి తిరస్కరించింది. ఈ కేసులో ఆమె ఇప్పటికే రెండు సార్లు బెయిల్ కోసం ప్రయత్నించినప్పటికీ.. ముందుగా మేజిస్ట్రేట్ కోర్టు (Magistrate Court), అనంతరం ప్రత్యేక ఆర్థిక నేరాల కోర్టు (Special Court for Economic Offences) ఆమె అభ్యర్థనను తిరస్కరించాయి.

రన్యా రావు గతంలో తన ఆరోగ్య సమస్యలు, కుటుంబ పరిస్థితులను ప్రస్తావిస్తూ కోర్టులో బెయిల్ పిటిషన్ దాఖలు చేసినప్పటికీ, ప్రాసిక్యూషన్ (Prosecution) వాదనలు, ఈ కేసులో ఉన్న ఆధారాలను పరిగణనలోకి తీసుకున్న న్యాయస్థానం (Court) ఆమెకు బెయిల్ ఇచ్చేందుకు నిరాకరించింది. కాగా, బంగారం అక్రమ రవాణా కేసుకు సంబంధించి ఆమెపై తీవ్రమైన ఆరోపణలు ఉండటంతో, విచారణలో కీలకమైన అంశాలు ఇంకా బయటపడాల్సి ఉన్నాయని కోర్టు అభిప్రాయపడినట్లు సమాచారం.

కోర్టు ఈ కేసును సీరియస్‌గా తీసుకున్న నేపథ్యంలో, రన్యా రావు తరఫు న్యాయవాదులు (Lawyers) తదుపరి చర్యగా హైకోర్టును ఆశ్రయించే అవకాశం ఉన్నట్లు తెలుస్తోంది.

Read More : BSE షేర్లు 10% పెరుగుదల