టాలీవుడ్లో అగ్రహీరోలందరి సరసన నటించి స్టార్ హీరోయిన్గా ఎదిగిన సమంత, రామ్ చరణ్తో చేసిన రంగస్థలం సినిమాతో తన కెరీర్లోనే బిగ్గెస్ట్ హిట్ అందుకుంది. ఏ మాయ చేసావేతో వెండితెరకు పరిచయమైన సమంత, వరుస విజయాలతో టాప్ హీరోయిన్గా నిలిచింది.
అయితే, టాలీవుడ్ టాప్ హీరోలందరితో నటించినా, రామ్ చరణ్తో కలసి నటించే అవకాశం ఆమెకు ఆలస్యంగా లభించింది. రంగస్థలం సినిమాతో ఆ కల నెరవేరగా, ఈ సినిమాలో చరణ్-సమంత జోడీపై ప్రేక్షకులు ఫిదా అయిపోయారు.
ఈ సినిమా తర్వాత వీరిద్దరూ మరోసారి కలిసి నటించలేదు. అయితే, తాజాగా సిడ్నీలో జరిగిన ఓ ఈవెంట్లో సమంతను రామ్ చరణ్తో మళ్లీ సినిమా చేయాలని అభిమానులు కోరగా, ఆమె నాకు కూడా ఆ కోరికే ఉంది అంటూ హింట్ ఇచ్చింది. దీంతో, వీరిద్దరి కాంబినేషన్ మళ్లీ తెరపైకి రాబోతుందా? అనే చర్చ జరుగుతోంది. ప్రస్తుతం రామ్ చరణ్, బుచ్చిబాబు సాన దర్శకత్వంలో ఆర్సీ 16 సినిమాను చేస్తున్నాడు.
ఆ తర్వాత సుకుమార్ దర్శకత్వంలో సినిమా చేయనుండగా, ఇందులో సమంత హీరోయిన్గా నటించొచ్చన్న వార్తలు వినిపిస్తున్నాయి. ఇదిలా ఉంటే, విజయ్ దేవరకొండతో చేసిన ఖుషి సినిమా తర్వాత సమంత తెలుగులో కొత్త ప్రాజెక్ట్ ప్రకటించలేదు. తన సొంత బ్యానర్లో మా ఇంటి బంగారం అనే సినిమాను ప్రకటించినప్పటికీ, ఆ ప్రాజెక్ట్పై ఎలాంటి తాజా సమాచారం లేదు. ఇప్పుడు రామ్ చరణ్-సమంత జోడీ మళ్లీ తెరపైకి వస్తే, అది ప్రేక్షకులకు ప్రత్యేకమైన ఆనందాన్ని అందించే అవకాశం ఉంది!
One thought on “రంగస్థలం తర్వాత మరోసారి చరణ్-సమంత కాంబినేషన్?”
Comments are closed.