మిస్ వరల్డ్ 2025 పోటీల కోసం వచ్చిన సుందరీమణులు భాగ్యనగరంలో సందడి చేస్తున్నారు. గురువారం ఈ పోటీదారులు ఇందిర మహిళా శక్తి బజార్కు చేరుకుని ఎస్హెచ్జీ దుకాణాలను సందర్శించారు. ఆంధ్రప్రదేశ్ పంచాయతీరాజ్ గ్రామీణ అభివృద్ధి, మహిళా శిశు సంక్షేమ శాఖ మంత్రి సీతక్క ఇక్కడ మహిళల ఆర్థిక స్వావలంబన కోసం ప్రభుత్వం చేపట్టిన పథకాలను వివరించారు. స్వయం ఉపాధి నుంచి సంపద సృష్టి వరకు మహిళలు సాధిస్తున్న విజయాలను ఈ సందర్భంగా ఆమె వివరించారు.
ప్రతి సంవత్సరం 20 వేల కోట్లకు పైగా వడ్డీ రహిత రుణాలు అందించి, ఆర్టీసీ బస్సుల అద్దె, మహిళా సంఘాల ద్వారా సూక్ష్మ, మధ్యతరహా పరిశ్రమలు, సోలార్ విద్యుత్ ప్లాంట్లు ఏర్పాటు చేస్తున్న ప్రభుత్వం, మహిళల ఆర్థికాభివృద్ధికి చర్యలు తీసుకుంటోంది. ఈ కార్యక్రమంలో మిస్ వరల్డ్ పోటీదారులు సెర్ప్ విజయాలపై రూపొందించిన డాక్యుమెంటరీ వీడియోను చూశారు. సెర్ప్ సీఈవో దివ్య దేవరాజన్ సెర్ప్ యొక్క ఉద్దేశ్యాలు, లక్ష్యాలను వివరించారు.
72వ మిస్ వరల్డ్ పోటీలు అట్టహాసంగా ప్రారంభమయ్యాయి. 108 దేశాల నుంచి వచ్చిన సుందరీమణులు మిస్ వరల్డ్ కిరీటాన్ని గెలవాలని పోటీ పడుతున్నారు. భారత్ తరపున మిస్ ఇండియా నందిని గుప్తా ప్రాతినిధ్యం వహిస్తోంది. ఇప్పటికే టాప్-24 జాబితా విడుదలై, మే 23న టాప్-10ను ఎంపిక చేసుకునేందుకు తుది పోటీ జరగనుంది. ఈనెల 31న హెచ్ఐసీసీ వేడుకల్లో తుది విజేతను ప్రకటిస్తారు.
Read More : ఒంటరి వృద్ధులపై పెళ్లిళ్ల పేరిట మోసం
