కర్ణాటక ఆరోగ్య శాఖ (Karnataka Health Department) రాష్ట్రవ్యాప్తంగా ప్రభుత్వ హాస్టళ్లలో ఉన్న 11,300 మంది బాలికలకు హెచ్పీవీ (HPV) టీకా వేసేందుకు ప్రణాళికలు రూపొందించింది. ఈ టీకా ద్వారా హెచ్పీవీ వైరస్ (HPV Virus) కారణంగా ఉత్పన్నమయ్యే 90% కి పైగా క్యాన్సర్లను (Cancer) నివారించవచ్చని వైద్య నిపుణులు చెబుతున్నారు.
మహిళలు హెచ్పీవీ టీకా తీసుకోవాలని సూచన
హ్యూమన్ పాపిలోమా వైరస్ (HPV) వల్ల గర్భాశయ క్యాన్సర్ (Cervical Cancer) సహా అనేక రకాల క్యాన్సర్లు వచ్చే ప్రమాదం ఉంది. అయితే, ఈ వైరస్కు వ్యతిరేకంగా టీకా తీసుకోవడం ద్వారా రోగనిరోధక శక్తిని పెంచుకోవచ్చని ఆరోగ్య నిపుణులు సూచిస్తున్నారు. ప్రతి బాలిక, మహిళ ఈ టీకాను తీసుకోవాలని వైద్యులు హితవిస్తున్నారు. ఈ టీకా యువతికి చిన్న వయస్సులో వేసుకుంటే భవిష్యత్తులో తీవ్రమైన ఆరోగ్య సమస్యలను నివారించుకోవచ్చని సూచిస్తున్నారు.
కర్ణాటక ఆరోగ్య శాఖ ఆధ్వర్యంలో ప్రభుత్వ హాస్టళ్లలో ఉండే బాలికలకు ఉచితంగా హెచ్పీవీ టీకా అందించేందుకు చర్యలు చేపట్టింది. ఈ కార్యక్రమం ద్వారా రాష్ట్రవ్యాప్తంగా వేలాది మంది బాలికలు ప్రయోజనం పొందనున్నారు.
