పాన్ ఇండియా స్థాయిలో రూపొందుతున్న ప్రతిష్టాత్మక చిత్రం ‘కన్నప్ప’ గురించి ఇటీవల సోషల్ మీడియాలో కొన్ని అపోహలు పుట్టుకొచ్చాయి. టీజర్, పాటలతో ప్రేక్షకుల్లో భారీ అంచనాలు క్రియేట్ చేసిన ఈ సినిమా, విడుదల వాయిదా పడిన నేపథ్యంలో పలు వదంతులు చర్చనీయాంశంగా మారాయి. ముఖ్యంగా, “సినిమాను కొన్ని ప్రత్యేక వ్యక్తులకు ప్రీమియర్ చేశారన్న వార్తలు” వైరల్ అయ్యాయి.
ఈ నేపథ్యంలో, కన్నప్ప టీమ్ అధికారికంగా స్పందించింది. “సినిమా మొత్తాన్ని ఎవరికీ చూపించలేదు. గత వారం 15 నిమిషాల ముఖ్యమైన VFX ఎపిసోడ్ను మాత్రమే క్వాలిటీ చెక్ కోసం రివ్యూచేశారు. దీన్ని సినిమా మొత్తం ప్రీమియర్ అయినట్లు వార్తలు రావడం విచారకరం” అని స్పష్టం చేసింది.
సినిమా ఫస్ట్ కట్ ఇంకా పూర్తి కాలేదని, అత్యున్నత ప్రమాణాలతో గ్రాఫిక్స్ పనితీరుతో రూపొందిస్తున్నామని, ప్రతి ఫ్రేమ్కి కచ్చితత్వం ఇవ్వాలనే ఉద్దేశంతో మరింత సమయం తీసుకుంటున్నామని టీమ్ చెప్పింది. కొన్ని టెక్నికల్ అంశాలపై ఇంకా వర్క్ కొనసాగుతుందని వివరించింది.
ఈ ప్రకటనతో కన్నప్పపై అభిమానుల్లో ఉన్న అసంతృప్తి కొంతవరకు తీరినట్టయింది. సినిమా ఆలస్యం అయినా, ఫినిషింగ్ పనుల్లో రాజీ పడబోమన్న విషయంపై టీమ్కి మంచి స్పందన వస్తోంది. అధికారిక అప్డేట్లు త్వరలోనే ప్రకటిస్తామని ట్వీట్లో తెలిపారు.
ప్రస్తుతం కన్నప్ప టీమ్, కొత్త విడుదల తేదీపై ప్లాన్ చేస్తోంది. విజువల్ ఎఫెక్ట్స్ పూర్తి అయిన తర్వాతే విడుదల తేదీ ప్రకటిస్తామని స్పష్టం చేసింది. ఇప్పుడు, సినిమా విడుదలపై అధికారిక క్లారిటీ ఎప్పుడు వస్తుందో అన్న ఆసక్తి పెరిగింది.
One thought on “కన్నప్పపై గాసిప్స్కి ఫుల్స్టాప్ – క్లారిటీ ఇచ్చిన మూవీ టీమ్!”
Comments are closed.