అమెరికాలో హంగామా.. HUD టీవీ స్క్రీన్ల హ్యాక్.. ట్రంప్-ఇలాన్ మస్క్పై వైరల్ వీడియో!
అమెరికాలో ఓ విశేషమైన సైబర్ హ్యాకింగ్ ఘటన చర్చనీయాంశంగా మారింది. యునైటెడ్ స్టేట్స్ డిపార్ట్మెంట్ ఆఫ్ హౌసింగ్ అండ్ అర్బన్ డెవలప్మెంట్ (HUD) లోని టీవీ స్క్రీన్లు హ్యాక్ అయ్యాయి. హ్యాకర్ల చతురతకు అందులోని ప్రదర్శన పూర్తిగా మారిపోయింది. స్క్రీన్లపై కృత్రిమ మేధస్సు (AI) సాయంతో రూపొందించిన ఓ వీడియో ప్రసారం అయింది. ఆ వీడియోలో మాజీ అమెరికా అధ్యక్షుడు డొనాల్డ్ ట్రంప్, టెస్లా సీఈఓ ఇలాన్ మస్క్ ఉన్నారు. ఇందులో ట్రంప్, మస్క్ పాదాలను ముద్దాడుతున్నట్లు చూపించగా, “LONG LIVE THE REAL KING” అనే సందేశాన్ని ప్రదర్శించారు.
ఈ ఘటనకు కొద్ది రోజుల ముందు వైట్ హౌస్ నుంచి ట్రంప్పై ఓ సంచలనాత్మక చిత్రం విడుదలైంది. ఆ చిత్రంలో ట్రంప్ తలపై రాజకిరీటంతో (కింగ్ క్రౌన్) దర్శనమిచ్చారు. ఈ చిత్రాన్ని సోషల్ మీడియాలో భారీగా షేర్ చేయగా, హడ్కు స్క్రీన్ల హ్యాకింగ్ వెనుక ఇదే ఉద్దేశ్యమా? అన్న అనుమానాలు తలెత్తాయి. ఈ హ్యాకింగ్ ఘటనపై అమెరికా అధికారులు దర్యాప్తు ప్రారంభించారు. సైబర్ భద్రతలో ఏమైనా లోపాలు ఉన్నాయా? హ్యాకర్ల వెనుక ఎవరున్నారన్నదానిపై విచారణ కొనసాగుతోంది.
ఈ ఘటనతో అమెరికాలో సైబర్ భద్రతపై మరింతగా చర్చ మొదలైంది. ప్రభుత్వ కార్యాలయాల్లోనూ హ్యాకింగ్ ముప్పు పెరుగుతుందా? అనే ప్రశ్నలు తలెత్తుతున్నాయి.
One thought on “ట్రంప్, ఇలాన్ మస్క్ పై వైరల్ AI వీడియో!”
Comments are closed.