పెన్షన్ డబ్బులతో పరారైన ఘటనపై తీవ్ర చర్చ జరుగుతోంది. పల్నాడు జిల్లా దాచేపల్లి సచివాలయ ఉద్యోగి లక్ష్మీప్రసాద్ సెల్ఫీ వీడియో విడుదల చేయడం కలకలం రేపింది. ఆన్లైన్ బెట్టింగ్కు అలవాటు పడటంతో భారీగా నష్టపోయానని, అందుకే సచివాలయానికి సంబంధించిన పెన్షన్ డబ్బులను వినియోగించానని వీడియోలో చెప్పాడు. అయితే, నెల రోజుల వ్యవధి ఇస్తే తాను మొత్తం డబ్బును తిరిగి చెల్లిస్తానని లక్ష్మీప్రసాద్ వెల్లడించాడు.
ఈ ఘటనపై ఆంధ్రప్రదేశ్ మంత్రి నారా లోకేశ్ స్పందించారు. “తప్పులు చేయడం మనుషుల సహజ గుణం, కానీ వాటి నుంచి ఏం నేర్చుకున్నామనేదే అసలైన విషయం,” అని పేర్కొన్నారు. అలాగే, ఆన్లైన్ బెట్టింగ్ యాప్స్ వల్ల ఎంతోమంది పతనమవుతున్నారని, యువత అలాంటి వ్యసనాలకు పోకుండా జాగ్రత్తగా ఉండాలని సూచించారు. లక్ష్మీప్రసాద్ను రక్షిస్తామని, అతను భయపడకుండా తిరిగి ఇంటికి రావాలని మంత్రి హామీ ఇచ్చారు.
ప్రస్తుతం రాష్ట్రంలో ఆన్లైన్ బెట్టింగ్ వ్యవహారంపై అధికార వర్గాలు ఆందోళన వ్యక్తం చేస్తున్నాయి. ప్రభుత్వం ఇప్పటికే ఈ అంశంపై కఠిన చట్టాలను తీసుకురావాలనే ఆలోచనలో ఉంది. బాధితులను మోసగాళ్లుగా కాకుండా, బాధితులుగానే గుర్తించి వారికి అవసరమైన మార్గదర్శకాలను అందించాలని నిపుణులు సూచిస్తున్నారు.
One thought on “లోకేశ్ స్పందన: తప్పుల నుంచి నేర్చుకోవడం ముఖ్యం”
Comments are closed.