పంజాబ్‌లో వరదల కారణంగా ప్రజలు తీవ్ర ఇబ్బందులు పడుతున్నప్పటికీ, ఒక వృద్ధుడి మానవత్వం ఇప్పుడు అందరి హృదయాలను గెలుచుకుంటోంది. వరదల్లో సహాయక చర్యలు చేపడుతున్న బృందాలకు టీ అందించి ఆ వృద్ధుడు తన గొప్ప మనసును చాటుకున్నారు. ఈ ఘటనకు సంబంధించిన వీడియో ఇప్పుడు సామాజిక మాధ్యమాల్లో వైరల్‌గా మారింది.
హర్భజన్ సింగ్ ఫిదా:
ఈ వీడియో చూసి భారత మాజీ క్రికెటర్, రాజ్యసభ సభ్యుడు హర్భజన్ సింగ్ ముగ్ధుడయ్యారు. వరద నీరు నడుము లోతు వరకు పారుతున్నా లెక్క చేయకుండా ఆ వృద్ధుడు నడుచుకుంటూ వెళ్లి మరీ సహాయక బృందాలకు టీ అందించడం చూసి హర్భజన్ సింగ్ ఆశ్చర్యపోయారు. ఈ వీడియోను ఆయన తన ‘ఎక్స్’ (గతంలో ట్విట్టర్) ఖాతాలో పంచుకుంటూ, వృద్ధుడి మానవత్వంపై ప్రశంసలు కురిపించారు.
ఈ వీడియోలో, సహాయక బృందాలు వరద నీటిలో ఒక పడవలో వెళుతుండగా, వృద్ధుడు ఒక పాత్రలో టీ తీసుకుని వారి వద్దకు వెళ్లడం చూడవచ్చు. ఈ వీడియో నెటిజన్లను ఎంతగానో ఆకట్టుకుంటోంది. ఈ క్లిష్ట పరిస్థితుల్లో కూడా వృద్ధుడు చూపించిన చొరవ, దయ అందరికీ స్ఫూర్తినిస్తోంది.
Read More : ఆర్సీబీ విజయోత్సవ ర్యాలీలో తొక్కిసలాటపై స్పందించిన విరాట్ కోహ్లీ.
One thought on “భీకర వరదలోనూ మానవత్వం: హర్భజన్ సింగ్ ఫిదా.”
Comments are closed.