రంగారెడ్డి జిల్లా చేవెళ్ల మండలం దామరగిద్దలో హృదయ విదారక ఘటన చోటుచేసుకుంది. కారులో ఆటపాటలు ఆడుతున్న ఇద్దరు చిన్నారులు, కార్ డోర్లు లాక్ కావడంతో లోపల ఇరుక్కుపోయి ఊపిరి లేక ప్రాణాలు కోల్పోయారు. ఈ విషాదం వల్ల వారి కుటుంబాలు తీవ్ర ఆవేదనకు గురయ్యాయి.
వివరాల్లోకి వెళ్లితే, పామన గ్రామానికి చెందిన వెంకటేష్ జ్యోతి దంపతుల కూతురు 5 సంవత్సరాల తమయశ్రీ, షాబాద్ మండలం సీతారాంపూర్ గ్రామానికి చెందిన మహేందర్ ఉమారాణి దంపతుల కూతురు 4 సంవత్సరాల అభినయశ్రీ ఈ దుర్ఘటనలో మృతి చెందాయి. ఈ నెల 30న తమ మేనమామ వివాహానికి వెళ్లి, ఆ సమయంలో ఈ విధంగా మృత్యువాత పడడంతో కుటుంబ సభ్యులు గుండెలవిసేలా విలపిస్తున్నారు.
కుటుంబ సభ్యులు చిన్నారులను చాలాసేపటి వరకు వెతికినప్పటికీ, వారు కనిపించకపోవడంతో ఆందోళన చెందారు. చివరకు కారులో అపాస్మారక స్థితిలో కనిపించడంతో వెంటనే ఆసుపత్రికి తరలించారు, కానీ అప్పటికే మృతిచెందినట్లు వైద్యులు ధృవీకరించారు.
చిన్నారుల మృతిని తెలుసుకున్న స్థానికులు గుండెలవిసిపోయారు. వారి తల్లిదండ్రులు తీవ్రంగా విలపించడం చూసి గ్రామవాసులు కంటతడి పెట్టారు. పోలీసులు కేసు నమోదు చేసి దర్యాప్తు చేస్తున్నారు. చిన్నారులను ఎప్పుడూ కాపాడుకోవడం ముఖ్యమని, ఈ విధమైన దారుణాలు ఎప్పుడు జరుగుతాయో అర్థం కావడం అవసరం.
One thought on “చేవెళ్లలో విషాదం: కారులో ఇరుక్కుని చిన్నారుల మృతి”
Comments are closed.