బాలీవుడ్ నటి జాక్వెలిన్ ఫెర్నాండెజ్ కు తీవ్ర విషాదం ఎదురైంది. ఆమె తల్లి కిమ్ ఫెర్నాండెజ్ ఈ ఆదివారం ముంబైలోని లీలావతి ఆసుపత్రిలో తుదిశ్వాస విడిచారు. జాక్వెలిన్ తన తండ్రి ఎల్రాయ్ ఫెర్నాండెజ్తో కలిసి ఆసుపత్రికి చేరుకున్నారు. అందుకు సంబంధించిన దృశ్యాలు నెట్టింట వైరల్ అవుతున్నాయి. ఆ క్షణాల్లో ఎల్రాయ్ దుఃఖంతో తడిసిన ముఖం చూసి ప్రతి ఒక్కరు భావోద్వేగానికి లోనయ్యారు.
ఇటీవల తల్లి అనారోగ్యం కారణంగా గౌహతిలో జరిగిన ఐపీఎల్ వేడుకలో పాల్గొనలేకపోయిన జాక్వెలిన్ చాలా బాధలో ఉన్నారని సమాచారం. అప్పటికే కిమ్ ఐసియూలో చికిత్స పొందుతున్నారన్న విషయం బహిర్గతమైనప్పటికీ, ఆమె పరిస్థితి విషమించడంతో కుటుంబం విషాదంలో మునిగిపోయింది. ఈ తెల్లవారుజామున జాక్వెలిన్-ఎల్రాయ్ కిమ్ ఫెర్నాండెజ్ అంత్యక్రియలు నిర్వహించారు.
ఇందులో భాగంగా బాలీవుడ్ నటుడు సోనూ సూద్ కూడా పాల్గొన్నారు. ఆయన దర్శకత్వంలో రూపొందిన ‘ఫతే’ సినిమాలో జాక్వెలిన్ ప్రధాన పాత్ర పోషించగా, అదే చిత్రంలో వీరిద్దరూ కలిసి స్క్రీన్ పంచుకున్నారు. కోవిడ్ సమయంలో జరిగిన నిజ జీవిత సైబర్ క్రైమ్ సంఘటనల ఆధారంగా రూపొందిన ఈ యాక్షన్ థ్రిల్లర్ మంచి విజయాన్ని అందుకుంది. అయితే ప్రస్తుతం జాక్వెలిన్ వ్యక్తిగతంగా ఈ విషాదంతో తీవ్రంగా బాధపడుతున్నారు.
One thought on “నటి జాక్వెలిన్ తల్లి కన్నుమూత.. విషాదంలో ఫెర్నాండెజ్ కుటుంబం”
Comments are closed.