డాలర్కు ప్రత్యామ్నాయం లేదు: బ్రిక్స్ దేశాలకు ట్రంప్ ఘాటైన హెచ్చరిక
అమెరికా కాబోయే అధ్యక్షుడు డొనాల్డ్ ట్రంప్ తాజాగా డాలర్పై కీలక వ్యాఖ్యలు చేశారు. అంతర్జాతీయ వ్యాపారంలో డాలర్కు బదులుగా ఇతర కరెన్సీలను ఉపయోగించే ప్రయత్నాలను అమెరికా సమర్థించదని, అలాంటి దేశాలపై కఠిన ఆర్థిక చర్యలు తీసుకుంటామని ఆయన స్పష్టం చేశారు.
పన్నుల పెంపుపై హెచ్చరిక
డాలర్ను తప్పించి ఇతర కరెన్సీలను ఉపయోగించే దేశాలపై అమెరికా 100 శాతం పన్నులు విధించగలదని ట్రంప్ హెచ్చరించారు. అమెరికాకు వ్యాపార ఉత్పత్తులు ఎగుమతించే మార్గాలను మూసివేసేందుకు కూడా వెనకాడమని తెలిపారు. “డాలర్కు దూరంగా వెళ్తే, మీకు అమెరికా ఆర్థిక వ్యవస్థలో చోటుండదు” అని ఆయన బ్రిక్స్ దేశాలకు గట్టిగా హెచ్చరించారు.
బ్రిక్స్ సమావేశం నిర్ణయాలు
అక్టోబర్లో రష్యాలో జరిగిన బ్రిక్స్ దేశాల సమావేశంలో, అంతర్జాతీయ లావాదేవీల్లో డాలర్కు బదులుగా స్థానిక కరెన్సీ ఉపయోగించాలని నిర్ణయం తీసుకున్నారు. ఈజిప్ట్, ఇరాన్, యూఏఈ సహా అనేక దేశాలు ఈ ప్రతిపాదనకు మద్దతు తెలిపాయి. స్థానిక కరెన్సీ బలోపేతానికి ఇది సహాయపడుతుందని బ్రిక్స్ దేశాలు అభిప్రాయపడ్డాయి.
అమెరికా గమనిస్తున్నట్లు ట్రంప్ స్పష్టం
బ్రిక్స్ దేశాల ఈ చర్యలపై అమెరికా పదేపదే గమనిస్తుందని ట్రంప్ తెలిపారు. “డాలర్ను విస్మరించే ప్రయత్నాలకు తీవ్ర పరిణామాలు ఉంటాయి. అలాంటి దేశాలు అమెరికాకు ఎగుమతుల గురించి మర్చిపోవాల్సి వస్తుంది” అని ఆయన స్పష్టం చేశారు.
ఈ వ్యాఖ్యలతో ట్రంప్ భారత్ సహా బ్రిక్స్ దేశాలకు స్పష్టమైన సంకేతాలను పంపారు. డాలర్ ఆధిపత్యాన్ని సవాలు చేయాలనుకునే దేశాలపై అమెరికా తన ఆర్థిక మరియు వ్యాపార వ్యూహాలను మరింత కఠినంగా అమలు చేయనుంది.
